四日三夜 廣島四國 旅行團 第一日 --- 厳島神社

***************************************************
呢篇blog係五年後寫番o既回顧,
詳情請參閱「四日三夜 廣島四國 旅行團 Preface」,
當然, 看官無視呢點就咁睇落去都唔係問題。

***************************************************



係機場過左一晚夜,
其實都唔係好瞓到......
結果五點幾決定起身,
用紙杯係機場o既廁所刷牙洗面之後就等集合,
而小弟o既大學同學亦陸陸續續咁黎到。



順利地check in, 然後上機,
0845起take off !!!
小弟人生第一次同朋友一齊旅行~
未出發, 先興奮XD

第一次o既日本旅行,
一事一物對小弟黎講都好新奇,
無論係道路、房屋等等,
乜都影得一餐,
而家睇番, 都只可以講句
「若さ故の過ちというものを......」(因年輕而犯下的過錯......)

日本時間1323到達廣島國際機場,
入境之後, 唞都冇得唞, 行里都未放好,
就已經向住第一個境點厳島神社出發喇。



兩點半左右到達宮島港口。

離上船仲有少少時間,
可以參觀下旁邊o既手信店。
當地o既名產竟然係.............飯殼......
唔用得不特止仲要都幾貴下=.=
當然都總有啲可以用得o既飯殼,
只係你會唔會買啫.........

呢啲碟又係, 買左都唔會用=.=



夠鐘, 乘船往厳島神社出發。

上圖就係宮島港o既碼頭,
而下圖, 就係5分鐘船程就已經見到o既厳島神社,
呢~右手邊嗰個紅色o既鳥居,
就係好出名o既厳島神社水中大鳥居喇。

到達厳島神社,
天氣唔多好, 落住雨...
不過都仍然係多人都喊......

拜得神多自有神庇佑

上圖就係水中大鳥居喇,
陣間會再有close up同埋解說。

厳島神社其中一個建築成為左博物館(上圖),
而博物館前面放左一大塊野(下圖),
唔好睇小呢塊野,
其實呢塊野就係嗰個水中大鳥居o既木柱之一,
而家o既水中大鳥居當然係修複過啦,
而下圖就係換左出黎o既其中一條柱o既砌面,
可以見到條柱都幾大碌,
真係佩服而前啲人點解可以插咁大碌野落水又唔反。

厳島神社其中一棵松樹,
因為有九個分枝, 所以個名叫「九本松」,
即刻諗起《火滾忍者》o既「九尾」......

唔係淨係奈良公園先有鹿,
厳島神社境內都有好多, 不過......
啲鹿係點樣上呢個島?_?

厳島神社行得七七八八,
係厳島神社外有啲即燒生蠔店,
500yen兩隻即燒新鮮廣島蠔,
我地一行十幾人, 即刻每人黎兩隻,
店主做到唔停得手。

當時年少無知, 冇影低相......
啲蠔唔係話好大隻,
不過可能真係新鮮o既關係, 非常鮮甜,
仲要因為本身浸住海水, 即刻拎上黎燒,
完全唔洗任何調味, 淡淡o既海水味已經為舌頭帶黎最好o既享受!!!!!!





當其他朋友仲係係厳島神社一帶遊下遊下o既時候,
小弟見正值潮退, 不如去近距離睇下個大鳥居~
而事實上成團三十幾人,
就只有小弟一個近距離接觸呢個大鳥居!!!!!!

五年後o既而家(2013年)諗番, 都發覺自己係當時已經顯露出一點點o既冒險者精神。

係呢度補充少少資訊啦,
話晒旅行都唔係淨係得個睇字, 睇完就算。



係日本歷史中, 有一個好傳奇o既人物叫 平清盛 (1118 ~ 1181, 享年64),
平清盛係日本史首位由武士, 被破格升為公卿o既人。
(日本階級觀念極重, 傳統上武士一般被認為係為有錢人工作o既下人)
佢一生傳奇, 如果想知多啲可以wiki一下, 呢道唔多講。

而厳島神社就係係平清盛全盛時期所建o既神社,
可惜神社係1168年受祝融所破壞,
而家o既厳島神社, 係係1207年所建。



而提到厳島神社, 最出名莫過於水中「大鳥居」。
厳島神社・大鳥居、京都・天橋立、仙台・松島,
被日本近代文人們所選為「日本三大景」。

不過, 呢啲極其量只不過係啲多愁善感、自down自high o既文人所選o既三大,
同大眾客觀感未必符合......
五年後今日(2013年) o既小弟可以話俾大家聽,
水中大鳥居的確係唔錯,
但其實天橋立同松島都唔係話咁有surprise......

由大鳥居影番番去厳島神社建築群。



只係睇左一個景點已經時值黃昏,
加上一落機就即刻去第一個景點,
所以今日早啲到酒店休息,
地點係今治国際ホテル。

下圖係由房間影出去o既景觀,
可以見到正中央有個城池, 是為「日本三大水城」之一o既今治城。

晚上o既膳食,
不過因為我地比較遲左啲到酒店,
所以啲野都凍晒.......

都係嗰句啦「若さ故の過ちというものを......」(因年輕而犯下的過錯......)
年輕時總會做啲白痴野,
仲要係成班fd一齊, 就更加high tension......
影埋啲白痴相.......

難得黎到日本,
已經開始踏入「宅」世界o既小弟,
梗係唔可以唔試下日式菠蘿包啦XD
(詳見《灼眼のシャナ》)