魷日記: 四日三夜廣島四國旅行團第三日 --- 明石海峽大橋 + 孫文紀念館 + 姬路城

***************************************************
呢篇blog係五年後寫番o既回顧,
詳情請參閱「四日三夜廣島四國旅行團 Preface」,
當然, 看官無視呢點就咁睇落去都唔係問題。

***************************************************

琴晚食個飽飽, 瞓個靚覺,
第二早又再開始小弟人生第一次出國旅遊o既行程。

大家有睇preface的話都知
小弟呢個團, 係由廣島入,
經四国, 然後兜番上關西。
而今日就到左我地四国o既最後一站。

先係參觀明石海峡大橋。

明石海峡大橋係一條吊橋,
連接四国同埋神戶淡路
全長接近4公里。
你會話, 咪又係橋一條?
但如果知道條橋背後一啲故事,
可能會對條橋有另一種睇法。

(以下故事乃小弟中學時代睇o既一套紀錄片
其內容o既憶述, 如有錯漏請包涵)

以前未有明石海峡大橋之前,
來往四国同關西都只可以靠搭船。
不過呢個海峽風浪急經常都有海上事故發生。
起橋o既呼聲日漸高漲。

1945年, 發生左せきれい丸沈沒事故,
造成304人死亡o既事故 (船長拒絕登上救援船, 同せきれい丸一同沈入海中),
令政府決心動工起橋。

但起橋有好多技術上問題。
其中一個問題係, 點樣可以讓橋墩不差毫釐咁準確沈落海床。
由於明石海峽水流急, 海床又深, 此為十分困難o既問題。

呢個時候, 就係逆向思維發揮作用o既時候。
又虧啲日本仔諗得出。

佢地唔係將凝結左o既水泥橋墩沈落海床,
而係係海底凝結水泥橋墩。

??????

即係係海床做模,
然後注入水泥, 凝結成為橋墩。
為此, 日本人發明左可以係水入面凝固o既水泥@o@

可以上橋o既行車道下面參觀,
望出去可以見到孫文紀念館。

參觀o既範圍內,
有一部份o既路面係用玻璃舖設,
大家可以感受下凌空企係海平面上47米o既感覺。

其實都唔係話好驚......

睇完條橋,
就去到頭先見到o既孫文紀念館參觀喇。
其實按完先行程好似係去第二個景點的,
(五年後o既今日, 小弟都唔記得左本來係話去邊......)
不過導遊話嗰個景點因為某啲原因唔開放,
所以臨時改左為孫文紀念館。

孫中山先生o既名言「天下為公」

孫文紀念館, 又名移情閣,

話係孫中山抱住思念祖國之情黎改呢個名......
......定係正如字面嗰種「移情」呀XD......陣間會再講

孫中山同日本關係密切,
相信讀過初中歷史o既朋友都知,
但大家又知唔知,
係日本動漫等興起, 「蘿莉」呢個名詞出現之前,
孫中山已經身先士卒, 成為蘿莉控o既第一人XD
(唔知咩係「蘿莉」同「蘿莉控」, 可以上網搵下)
甚至已經玩女僕服侍!!!
詳情如下(資料參考自網絡):

1885年孫中山19歲與盧慕貞(18歲)結婚, 後育有三子女
盧慕貞生于1867年７月30日
其父盧耀顯承先祖業讀書,
後漂洋過海到檀香山謀生。

1891年孫中山24歲認識陳粹芬(18歲), 後來成為側室
陳粹芬(1873～1960年),又名香菱, 廈門集美人。
光緒十八年(1892年), 她經陳少白介紹認識孫中山。
出于對孫中山的崇拜, 自願照顧孫中山的起居飲食,
身兼護士與衛士, 與孫中山共同生活了10多年。

1894年孫中山28歲初次見到宋慶齡(1歲女嬰),
開始光源氏計劃 (係真唔係 ?_?)

1897年孫中山31歲流亡日本, 認識淺田春(15歲女僕)
淺田春是孫中山流亡日本時的情人, 日本靜岡縣清水町人。
懂中文及英文, 相貌甜美可愛。
1897年(明治三十年), 孫中山居住在橫濱華僑恩炳臣先生的家中,
十五歲的淺田春被找來擔任孫的女佣。
(孫中山先生真識食)

1898年孫中山32歲認識大月薰 (10歲蘿莉)

1901年孫中山35歲向盧慕貞(34歲)提出離婚
(當時似乎還沒正式離婚，不過民國的民法頒布于孫某死後, 故忽略)

1902年孫中山36歲向大月薰(14歲)父親提親被拒絕
大月薰（1888年－1970年），孫中山的日籍夫人。
1898年秋因全家火災, 十歲幼女大月薰與全家寄住在孫中山橫濱山下町寓所的二樓。
一日, 大月薰在房間裏不慎打碎花瓶, 水順勢流到一樓孫中山的房里。
為此孫中山委托當時橫濱華商兼翻譯溫炳臣上樓了解原委。
父親大月素堂出于歉意讓大月薰下樓親自道歉，
此為大月薰與孫中山兩人首次邂逅。

1903年孫中山37歲 8月與大月薰(15歲)訂婚
大月素堂最初以女兒年幼而拒絕孫中山提親, 但之後答應。兩人一年後結婚。
當時大月薰年方十五, 是橫濱高等女子學校三年生。
同時期, 孫中山也在橫濱與一位名叫淺田春的少女相戀。

1904年孫中山38歲 7月19日與大月薰(16歲)正式成親

1915年孫中山49歲與盧慕貞(48歲)正式離婚
與宋慶齡(22歲)結婚
宋慶齡(1893～1981)1893年1月27日, 宋慶齡誕生在上海一個牧師兼實業家的家庭。
她的父親作為孫中山的朋友和同志, 是她的第一個啟蒙老師。
少年時代, 她在美國接受了“歐洲式的教育”, 受到民主主義的洗禮。

1915年10月25日宋慶齡不顧父母的反對,
毅然決定與流亡中的孫中山結婚。

時間、人物、年份、年齡等等,
去稍為搵下史料, 好易知道啱唔啱, 真的假不了。
至於嗰啲加油加醋o既字眼, 看官自己過濾一下, 笑吓就算喇。
不過不得不講一句, 「孫中山真識食!」

好, 上完一堂野史之後,
係時候去食午飯喇。

今日o既lunch, 係限時任食燒烤,
正呀!!!

有參加過旅行團o既朋友都應該知道,
好多導遊會係車上o既時間,
同團友話可以以平價代訂一啲食物等等,
從而賺番少少外快。

小弟呢個團當然都有啦。
因為小弟今次個團係四國、關西一帶,
所以導遊提供和牛代訂服務。

有幾種唔同級數,
而下圖o既, 就係神戶牛,
下面咁樣兩舊仔, 要成3250yen......
(導遊提供) 最貴嗰隻佐賀牛, 要成5000yen........

小弟唔係話特別有錢,
但人一世物一世又想試下,
於是同個fd夾錢, 一人一舊仔。
而肥牛就係留番今日呢個lunch食喇。

咁珍貴o既食材,
當然要拍低成個燒烤過程啦!!!

調味唔洗多,
洒少少黑椒已經好夠

小心翼翼

燒到外面啱啱熟,
入面就七成熟。

食得。

唔知係因為係小弟第一次食好o既牛肉丫,
定係因為俾左咁多錢o既心理作用o既關係,
真係好好食!!!!!!

本身仲係生o既時候見到牛肉o既脂肪唔算多,
但食落卻好有牛油香味。
牛肉嫩滑, 入口即溶, 冇渣唔黐牙。
總之就係好食啦!!!!!!

好滿足咁食過飽飽之後就出發去下一個景點。
可以講得上係今個團o既重頭戲之一,
亦都係小弟參加呢個團o既原因之一。

下一站就係姫路城!!!

姫路城, 又名白鷺城,
建於江戶時代。
為日本三大名城之一 (另外有熊本城、名古屋城)
亦為日本現存十二天守之一
(即主城樓為原物, 並非重建或仿製品)

唔同城主o既家紋

天守內部

紀錄中o既姫路城同埋城下町(即城堡周邊城市)

啲樓梯勁斜

天守o既頂層

↑　↓ 由天守頂層番出去

啲朋友都係係城入面唞下涼, 慢慢睇,
不過小弟係嗰時已經發揮冒險精神,
由另一條路落城。
因為咁, 睇到好多其他團友睇唔到o既姫路城部份。

原來另一邊出口有姫路市立動物園同下兩圖o既美術館。

此時發現,
原來呢一個出口係停車場o既相反方向,
距離集合時間仲有五分鐘......
於是半跑咁兜左姫路城外圍半圈去停車場。

結果發現小弟係第一個番黎集合=.=

仲有啲時間先到晚飯,
下一個景點竟然係去市內o既S0G0購物......

其實都還好o既,
四日三夜, 先得嗰一兩個鐘係購物,
間唔中都要就下其他團友家嘛。

係2008年, 小弟已經開始「漸入宅境」,
所以好自然俾動漫產品吸引。
五年後o既而家睇番,
都真係幾懷念......
《SHUFFLE!》《D.C. SS》《ちっちゃな雪使いシュガー》
《シゴフミ》《月詠》《絕望先生》《ToHeart》等等,
真係令人回味......