七日六夜 東京鎌倉 自魷行 第五日 --- 上野 + 明治神宮 + 東京鐵塔+ 日比谷公園盆踊り

***************************************************
呢篇blog係三年後寫番o既回顧,
詳情請參閱「七日六夜 東京鎌倉 自魷行 Preface」,
當然, 看官無視呢點就咁睇落去都唔係問題。

***************************************************

琴晚計落都仲有25000yen, 應該都夠用啦,

但期實小弟今日要搬去第二間旅館,

而該旅館係需要俾現金的!!!

咁計落即刻就唔夠洗.........

經過四日早起身, 又去左咁多地方,

真係已經好鬼攰, 於是今日瞓到成十點先起身,

先係行下上野, 例牌都要係呢個アメ横o既牌影番張相架啦。

因為實在係冇乜錢買野,
所以都係就咁行過就算,
直接去上野公園。

比起琴日o既新宿御苑,
條路勁闊! 同明治神宮有得fight。

上野公園o既五條天神社

行到上野公園o既大廣場,
有好多人係度賣藝,
而其中竟然有中國國粹 --- 變臉!!!

去埋上野公園入面o既東照宮。

大家見到下圖有個建築物, 其實係假的~

因為東照宮裝修緊,

所以外面掛左塊畫布,

離遠睇落就好似真係見到東照宮咁喇。

ANYWAY, 幾年後小弟去左堅嗰個日光東照宮,
上野呢個~睇唔睇都冇所謂lu~~~

天口真係好興, 所以去左下圖呢間鶯団子歇一歇腳,
食番個日式團子。

食完繼續行程,
黎到不忍池,
荷花正開~

紀念眼鏡發明o既石碑......

去到新o既旅館check in,
係和式的, 平平地, 算係咁啦。



然後就黎到東京鐵塔喇。

睇旅遊書, 話可以有樓梯俾你行上鐵塔頂,
小弟打算challenge 一下的,
點知去到reception問, 佢話1600截止,
而小弟望下個鐘---1606........shit!

小弟一開始只係為左可以行樓梯上鐵塔頂, 所以先黎,
而家冇得行上去, 小弟都冇興趣俾鐵上鐵塔頂了......
於是轉身走人......



搭地鐵, 到日比谷駅,
因為小弟check過日比谷公園今晚會有盂蘭晚會,
即係日文o既お盆祭り。

咩係盂蘭晚會,
同中國一樣盂蘭其實係佛教o既節日,
而「お盆」呢個名就係黎自佛教用語「盂蘭盆」。
咁盂蘭即係咩???簡單啲講, 即係鬼節

其實傳統o既日本都有一系列鬼節o既儀式,
只發展到今日, 大家o既認知只係得番「圍住個台跳舞」。
「圍住個台跳舞」---即係「お盆踊り」,
其實係黎自鬼節中, 人們扮地獄入面啲唔洗受刑o既開心鬼跳舞而出現的,
但時至今日, 宗教氣氛而經所剩無幾,
大家只係當夏天一個玩樂o既活動黎參與。



本身係上兩圖o既皇居外苑蕩失路,
不過有幸問路問著個都係黎お盆o既老人家,
好親切咁帶小弟黎到日比谷公園會場。



一見到下圖,
成個草地都係攤檔o既景色,
雖然有啲遲, 但小弟呢一刻先有
「日本呀, 我真係黎到日本喇」o既感覺。
果然日本就係廟會!

和服少女, 可遠觀而不可褻玩焉

日本廟會名物, 朱古力香蕉......你懂的~

買左盒500yen o既炒麵食。



動畫漫畫入面,
明明係啲廟會o既時候, 總會有啲蘿莉蕩失路呀,
有啲靚女隻木屐條繩斷左等人扶呀咁,
但現實是殘酷的......



到六點鐘, 盂蘭舞會正式開始。

領頭跳舞o既團體進場。

企齊人就開始跳喇。

雖然係好簡單, 但唔同o既歌都有唔同o既舞步。
神奇o既係, 男女老幼, 唔洗教都會識跳,
都唔係屋企人教落, 定係學校有教。
呢個情況下, 真係好欣賞日本人o既一體感!

睇左個零鐘, 小弟又唔識跳,
都係走先。
經過有樂町o既街邊居酒屋望一望,
就番番旅館了。