西九打大佬

因為最重要o既機票同住宿已經搞掂左,

準備作亦都一下子鬆弛落黎,

所以今日基本上冇做過同去日本有關o既行動。

中午先到長沙灣搞臨時駕駛証,

然後逛街。

約左彭生六點半係旺角等,

但而家先四點=.=..............

先係鴨寮街閒逛。

鴨寮街果然係男人o既天堂, 男人o既浪漫!

買左個指南針匙扣,

一set指甲刀同耳屎挖,

同埋一支眼鏡批。

再行埋黃金,

就步行過去旺角,

都只不過係五點半=.=

係信和逛左四十五分鐘。

好在彭生早左free,

一齊去荷里活斜對面睇相機用品。

其實無他, 因為小弟想買一條斜孭活扣相機帶。

可惜, 有牌子o既(BlackRap!d)要成五六百蚊一條=.=

小弟玩唔起...

結果都係同彭生行番過去琛水埗,

係埋邊啲舖度,

搵到祖國出產$160 o既產品,

睇落啲料都ok o既,

買條黎玩下囉。

買完都成八點, 係時候醫肚。

係邊度食? 睇到今日o既標題都估到九成啦。

冇錯, 小弟正正係同彭生到西九o既明漲食任食壽司!!!

為左唔想等位, 我地並唔係去西九龍中心入面嗰間。

而係中心對面嗰間。

不過有得必有失,

唔洗等位o既後果,

就係見唔到boss------紅豆軍艦壽司 T__T

原來boss只會鎮守係任食元祖店(西九龍中心)......