red pole

今朝confirm左電子機票,

good, 正式confirm,

4/12早上7:30 take off~~~~

得呀皮蛋周介紹, 今日食過中午飯,

就搭車過去赤柱, 睇下啲抵得冷o既外套。

要去赤柱---呢一個香港o既南極,

對於我呢個大北人黎講,

就好似要係香港o既夜空見到雙魚座咁...

都冇乜幾可

一生人去過都唔知有冇三次。

話說最後一次去,

好似係中學o既事,

冇十年都有八年。

十年人事幾翻新,

同我印象中o既赤柱已經完全唔同

幾時搞到咁靚呀=.=

  

當然一場入到黎, 冇理由買唔到外套就走架,

買左件牌子叫HH o既外套,

兩層二合一, 可以拆開著又得,

分開着都得, 得左。

黃昏o既時候走,

當然要影番幾張扮晒有詩意o既相啦。

求其搭架巴士出番市區,

搭左成粒鐘先出到尖沙咀=.=

尖沙咀o既燈飾陸續掛起,

可惜今年冇緣見到嚕,

(其實年年都冇去睇)

事關小弟將會一個人係日本過聖誕。

(溝到女例外XP)

然後步行到旺角,

搭東鐵番番去我o既大埔。