仍然係搵工的一天!

九點幾起身,check下e-mail睇下新聞,
十點左右就出門口搵工喇,
係住嗰區附近再問左兩間食肆,
都係話負責人唔係度,
叫我留低電話, 呢一兩日通知咁呀。
都難怪o既, 今日係星期六。

然後打算行去JR中野嗰邊,
因為嗰邊都好似有個比較多店舖o既地方。
點知同上次一樣, 經過地鐵中野站之後,
就再搵唔到JR中野站......
又盪失路=.=



都唔算盪失路o既,
因為行行下行番同上次一樣o既路,
結果去左JR中野o既下一個站......

呢度補充少少,
大阪啲站冇東京咁密,
況且小弟嗰區又唔近市中心,
所以就算同樣用嗰區做車站名,
都可以相距一公里。

盪失路途中都見到有啲店舖請人,
不過實在係太隔涉......
鐵路又去唔到, 行路的話又講緊係三、四公里......

死都唔甘心,
沿住路軌, 行番轉頭,
今次終於搵到JR中野站喇!

不過冇站舖請人=.=

十二點幾, 係吉野家食過490yen o既午飯之後,
暫時番一番房歇一歇腳,
話晒今日都行左差唔多十公里......

本來都唔想做便利店架喇,
不過咁o既時勢, 唯有頂硬上,
況且夜更o既人工都唔錯!

打電話去呢一區話請人o既LAWSON..........
外國人的話要保証人(擔保人)........
咩工咁巴閉呀!!!#$*(&)^*&@)#_

揭揭下求職小書,
忽發奇想,
不如去animate求職.......
(唔知咩係animate o既自己去google下)

先打電去問, 佢又冇話唔請外國人喎,
叫我寫履歷, 然後寄過去或親身拎去。
寄信又唔知寄幾耐,
咪搭幾個站拎過去囉。

應徵o既係天王寺o既animate,
係網上見佢得一層,
以為唔會好大好多人。

點知係我太傻太天真,

一層三四個班房咁大,
車水馬龍, 俾錢嗰條隊永遠都有人。

一方面睇, 咁忙一定請人,
但另一方面睇,
咁忙, 佢地應該唔會考慮要train一個外個喱......

姑且交左交先啦,
印象中日本橋o既animate仲好似冇咁多人。

六點幾番到宿舍,
琴晚已經買定今晚o既晚餐,
就係煎餃子+芽菜炒烏冬。
冇計啦, 一個人好難煮米飯,
唯有係麵類比較化算。

睇香港Yah00, 好似話聽日會跌到10度,
其實大阪都唔係話凍好多,
黎緊一星期都維持係2-10度。

仲有, 我都係前日同日文老師食飯講起,
先知道一個驚人o既事實:
原來大阪係唔會落雪=.=

失望