冇回音

今朝唔知點解唔係好起到身,
加上又冇乜必要早起身,
於是訓到成十點幾先醒。

刷牙洗面上下網,
磨下磨下就十二點幾一點,
煮野食。

前日已經買定今餐o既餸,
食埋之前煮淨o既意粉。

只不過係意粉撈白汁,
煎火腿腸+炒椰菜。
如下圖:

下午又出左去行下,
睇下呢區仲有冇工可以apply。
抄低左啲電話, 番房慢慢打。

打左個電話去都係連鎖式食店,
佢叫我先上網填野......
已經人工唔係高架啦,
仲要搞埋啲咁o既野......

填得黎都差唔多成五點,
其他電話唔洗打啦~~~=.=

不過呢個網上填form呢間做野又幾快架喎,
七點左右打俾我confirm話下星期三見工。
個職員仲用唔係太快o既日文同我講野,
黎左日本咁耐, 第一次有一個電話,
我o既聽解率係可以去到95%!!!

不過呢間野人工真係偏低......

如果大家仲有記性的話,
應該記得我星期二見左份工,
話叫我星期五等電話。
而家已經七點都過埋,
即係冇行啦=.=

&*$@%*&^#($)#