尾二一日

聽晚就要出發去機場喇。

講番今日先,

早上十點幾起身,

又執下啲行里咁啦,

其實都執得七七八八,

只係淨番仲用緊、著緊o既日用品。

中午約左人食飯,

係大埔墟食。

其實真係越黎越覺得大埔其實係冇乜野好食。

新達固之然冇一間野好,

大埔墟啲食肆亦冇乜比較好格調o既。

多謝V小姐好有心思o既禮物!!!

食完就行吓大埔中心,

經過太和打算買書,

但搵唔到啱o既。

番到屋企, 

唔知點解會好眼瞓,

一個大好o既下午,

就咁瞓過左=.=

今日其實係老豆o既生日,

不過我本身都唔記得左。

晩上同屋企人去大圍食飯。

順便接收日文班同學托運o既野,

到時交俾住係大阪日文老師。

十點食完飯,

直接過太和,

同中學同學o既陳小姐同吳小姐食甜品。

感覺上呢幾日都係咁食、食、同埋食.......

聽日就係係香港正常生活o既最後一日,

亦都係我同啲補習學生同小提琴學生o既最後一日......

感觸良多。