又係難波一日遊

今日終於的起心肝搭車出去,
契機就係俾自己一個藉口,
就係去難波o既新生銀行改電話號碼。
因為我之前開戶口o既時候未有手機,
所以係用住我個日文老師個電話登記住先。
而改電話只可以親身去。
於是我今日又搭270yen一程o既地鐵出難波喇。

因為之前係銀行開戶o既經驗,
仲以為會搞好耐,
點知奇蹟地只係填一張form, 簽個名就搞掂......



跟住又係同平時一樣,
由難波往北行上去心齋橋,
(當然心齋橋係橋名, 但亦都係一區o既名)
向西走, 再向南行日本橋(同上),
然後東行番去難波搭車走。

當然我唔係得個行字啦,
都真係有睇下有冇請人架。
好可惜, 好多舖都係玩野,
出面貼街招, 入到去問就話已經有好多員工=.=

^&*$*^@#&*@$)

連洗碗都問埋, 都係話已經請左人=.=

FXXK!

行到去道頓堀嗰邊,
今次直頭唔理佢有冇貼街貼,
直接衝入去問。
然後其中一間話有請緊人,
俾左個電話, 叫我打上去總部問。

差唔多夠鐘,
番番房, 執執個樣就去見工。
係我住嗰度附近o既連鎖食店,
不過人工俾我之前見嗰三間仲要低。

四點半見工, 早十分鐘到係禮儀,
應該全世界都係架喇。
入到去休息室, 都係填下form咁,
十零分鐘就ok。
但我一出房門口,
已經有兩個年青人(細我啲咁啦)等緊=.=

係咪真係咁渴市呀大佬。

呢份工本身都唔想做架喇,
再加上咁o既環境,
睇黎真係唔洗諗。

仲有一個更嚴峻o既問題,
就係今個星期五係咩日皇生日,
放假一天......

今個星期搵工日子又少左日......