正社員

而家搵到工做之後,
啲日記可能會悶少少,
因為主要都係工作工作同工作。

今日開始我負責o既野又多左喇。
因為我話晒都係外國人,
日文好極都有個譜,
所以基本上樓面都唔洗我做。

於是我就開始負責陸麵埋同加熱湯底喇。



晚上, 進藤叫左我出店門口,
話有正經野同我講。
我仲以為我做錯左啲咩野添,
嚇到我一額汗。

原來佢話老闆想轉我下個月開始轉做正社員,
人工150000yen。

其實識計數o既,
都知咁番係少人工過我part-time o既800yen時薪。
不過佢話如果我唔轉的話,
下個月開始o既part-time就唔洗番咁多,
於是一個月就只有80000yen左右。

諗過下,
我又唔介意工時長少少o既,
反正人客又唔係多,
倒不如而家儲多少少錢,
下半年可以玩得開心啲。

於是就應承左喇。

其實中間唔洗做野嗰三個鐘,
都可以係大阪市內活動o既~

到時再影相俾大家睇下啦。