搵工撞板的一天

今朝十點左右起身,
就check下e-mail,
收到派遺公司o既e-mail,
內容大致話收到我琴日上網填o既registration咁上下啦。

跟手打個電話去問面工o既事...

對方話, register左o既資料呀, 能力等,
同我之前entry左嗰幾份工o既requirment唔太符合,
所以cancel下午o既會面........



好啦, 派遺公司實在太麻煩喇,
搞落去都唔係辦法,
唯有馬死落地行,
係之前拎埋拎埋o既求職小冊子度,
搵啲低技術 o既工做啦。

不過實在係有太多掣肘,
一般低技術o既工都係人工低,
而且唔係份份包車費,
如果係咁, 倒不如搵番而家住緊呢區。

好可惜, 呢區o既工比較少,
就算係有, 好多都係請長工......

好難行搵到一間迴轉壽司店係隔黎站,
於是打電話去應徵啦, 佢叫我2-4點帶埋個人証明文件去。
去到間店, 櫃枱啲呀姐都做到好純熟,
即刻俾份請人內容同form我填。

800 yen/hr, 冇飯錢(壽司店都唔供伙食!?)
算啦, 填左先算,
話星期日或之前會打電話俾我,
如果收唔到電話即係冇喎......

仲以為日本咁大,
有咁多店舖請人,
黎同一間野見工o既人唔會好多,
點知淨係我填form嗰十分鐘,
都有另外三個人黎應徵,
仲要今日係星期五(本求職小冊子係星期一出)......
都係努力再搵其他工啦。

行番番宿舍o既時候, 都見到有某幾間舖請人,
不過而家都四點幾五點,
聽日早啲起身, 再去問一間快餐店先,
好似人工高少少,
再唔係就100yen店,
晚間人高都幾可觀。

果然冇野做, 個人都頹啲, 做事冇乜動力,
同埋開始迷失左黎日本o既意義(working+holiday)。
而家一味為搵工煩,
感覺同係香港冇乜分別。

不過foresee到,
搵到工之後會完全唔同,
我要快啲搵到工呀!