interview完都係等=.=

基本上今日同琴日過得一樣,
只係過得更頹.......

中午飯都懶得整,
只係陸左個出前一丁就算,
出前一頂都唔平架,
都要差唔多成80yen一包......
真係食個鳥冬好過=.=

成日都係房對住個電腦,
睇下yahoo新聞、上niconico睇下片咁,
好快就到見工時間。



有左琴日o既經驗(其實都冇經驗可言),
今日o既心情冇咁緊張,
都係推門入去,
然後叫個樓面幫我通傳聽就ok。

又係一個女人同我interview。

個interview比琴日仲hea,
都冇乜同我做介紹,
又冇問我問題。
我一填完份form,
就即刻問我我有冇問題。
(同香港一樣,問得呢條問題, 即係個interview都差唔多完)

就咁走好似好冇隱咁,
於是問下佢「研修期」幾耐。



所謂研修期,
即係類似trainee咁上下, 人工會少啲。
例如時薪如果係850yen的話,
多數研修期會係800yen。

如果有睇動畫《working!!》的話,
(三色台好似翻譯做《無聊西餐廳》)
你會見到山田さん腰間有個「研」字圓牌,
正正係代表佢係研修期中。

間間公司研修期都唔同,
短則40hr, 長則一年都有,
視乎工種, 同顧用形式。

我今次見呢間研修期係120hr,
算ok啦。



都冇乜野再問, 於是走人。
話星期日2-5點會打電話confirm我請唔請喎.
點解間間都要等幾日!?
定係香港快餐店都係咁?



又係番房hea。

晚上去買晚飯+未來一兩日o既餸o既時候,
留意到原來車站旁有啲夜開o既食肆,
抄低左電話, 聽日再打電話去問下先。

同埋聽日反正冇野做,
一早都已經諗好節目。
黎左日本都超過十日,
都冇真玩過,
所以決定聽日要去一轉大阪城。
雖然紅葉最靚o既period過左,
但都應該仲有啲野淨低掛~~~

聽日自有分曉!