琴晚訓覺前,
再上網搵筍工,
又見到多一間派遣公司。
今次學精左,
冇立刻報名,
先send個電郵問下佢做唔做working holiday o既人先。
於是到左今朝,
收到e-mail回覆,
係正面o既回覆,
叫我打電話預約見面時間。
都係啦,
講到鬼死咁快,
都唔係好聽得清楚,
再加上隔住個電話,
收聽能力又再差幾皮......
約左聽日1330去見面,
不過之後又講左一大堆野,
都唔係好知佢講乜,
只係知道佢叫我上網register左先......
唔搞住啦,
唔得閒, 要出街,
就係今日個題目要做o既野。
睇到個題目,
好似有好多遐想咁,
其實只係約左住大阪o既前日文老師,
交低同學同小弟o既手信俾佢。
不過總算係一個「第一次」o既。
1300係 JR天王寺 中央改札口等(即係票閘),
會合之後, 就去左附近一個商場食lunch。
老師話佢請喎, 縮骨o既小弟當然唔會拒絕啦。
(咋咋帝都講左聲唔好意思o既~)
需則係人地請,
但做人都唔好做到咁絕,
叫左個590yen o既蕎麥麵套餐就算啦,
飽肚又唔貴~
傾左陣偈,三點幾散水。
既然搭左車出黎,
當然唔會咁蝕底就咁番去啦。
搭多兩個站去難波o既HelloWork。
HelloWork係日本勞工處o既服務站,
有設備同人手幫人搵工。
香港o既勞工處實際上係點就唔係好知,
印象中都係貼左啲紙係noticeboard等人慢慢睇。
但日本o既HelloWork,
有好大個area, 放左過百部touch mon電腦,
按電腦指示, 揀適當o既選項,
然後電腦自動篩選。
反正都係, 係咁依講下日本o既就業啦。
對日本稍稍有認識o既朋友可能都會知,
大學生未畢業就會好緊張咁搵定工, 叫「就活」(就職活動)
雖然香港大學生都係咁上下,
但唔同o既係, 日本人通常入左一間公司做野,
就會係嗰間工司打死一世工。
一來, 日本公司講聲譽同埋珍惜人材,
亦都唔想再花時間由頭培養人手,
所以工司唔炒人, 員工亦冇乜必要走。
當年金融風暴, 某「大手」(即大企業)頂唔住炒左30個人,
即刻上報紙頭版。
睇番香港, 匯豐都上左頭版,
不過匯豐威啲, 係炒3000個。
二來, 日本工司o既升職加薪,
原則係「年功序律」,
簡單講即係好似排公屋咁,
按年資黎升職加薪,
所以你跳槽的話,
係新工司新黎新豬肉, 由頭排過,
俾你都唔制啦。
間接, 呢個制度令日本公司太官僚式及冇效率。
三來, 又係因為信用同忠誠o既問題,
日本人係一間工司工作之後跳槽的話,
其他工司會覺得係因為嗰個人唔夠忠心,
請左呢個人之後亦會走人, 因此未必請呢個人,
所以日本人都唔敢無啦啦話跳槽。
當然, 受到外資企業o既衝擊,
同新世代思考廻路o既轉變,
而家新一代o既勞動市場比以往有彈性,
但始終未離得開打死一世工o既意識形態。
因為日本人打死一世工o既特性,
所以大學o既「新活」比香港o既緊張好多。
而大學生畢業前工作內定率亦成為一個好重要o既指標。
好,
講番我嗰筆,
簡單講, 搵唔到心水工,
因為要搵低技術o既工種的話,
我唔洗黎呢度督電腦都搵到。
所以都係閃人。
不過都大開眼界o既。
五點幾番到房,
開始做番今朝人地叫我做嗰個register,
同埋寫履歷書。
由於呢間派遺公司專負責科研公司,
所以register嗰個網頁亦都要填上畢業論文題目呀嗰啲野,
翻譯翻到我死!
履歷書同香港好唔同o既係,
日本人有特定o既格式,
唔係好似香港咁你想點jack就點jack。
係各大商場、便利店皆有售。
一SET有齊個餡, 信封, 同埋.....
貼車頭相用o既雙面貼紙!!!
搞得黎都八點幾,
又係時候買便當,
唔再直擊喇,
講黎講去都係三覆被。
便當 199yen
炸牛肉薯餅 147yen
飯團 49yen
三隻蕉 49yen
沒有留言:
張貼留言