咒怨

今日晚上同琴日差唔多,
八點開始就冇乜人黎。

不過今日電視有野好睇,
所以間好快過。
個節目係介紹伊斯蘭教、猶太教、天主教o既生活,
三個教o既聖地,
同埋點解佢地會有咁多鬥爭。

攝製隊仲去到三個教聖地o既寺廟教堂
一般唔俾入o既地方拍攝,
真係大開眼介,
亦都學到好多知識。

其實如果香港電視台多啲呢啲節目,
我諗我都會睇少啲動畫。
《水資源》其實係一個好開始。
不過最好係唔洗啲明星講咁多野。





個節目十點就完。
仲有幾個鐘點捱?
咪又係打開部電腦囉。

用兩個鐘,
清左一套倉底貨
《SUMMER WAR》。
唔係話唔好睇,
不過又好吸引人睇落去。



當然我唔會睇動畫一直睇到放工啦。
以我番左兩個幾星期o既觀察,
兩個老闆耐唔耐就會黎一次,
多數都係過左十二點左右。

所以我十一點半就轉由睇動畫變成睇書。



果然,
今日唔知吹咩風,
兩個老闆十二點就出現......

雖則間店開到一點,
但我地平時十二點半就會將出面個門牌,
由營業中轉為準備中。

不過一來今日老闆係度,
二來老闆叫左野食要整,
結果冇時間去反轉個牌。

不幸o既事就發生。



十二點五十分,
有兩男兩女就左入黎食野,
仲叫埋啤酒......
足足坐左半個鐘!



呢度又講少少野。
正常情況下,
日本人係拉麵店、丼店等食野,
多數都係以極速食完,
然後極决走人。
呢樣都係同佢地「怕影響別人」o既性格有關,
因為佢地怕阻住人做生意,
又或者係怕阻住等緊入黎食野o既客人。

當然,
星桶 咁o既咖啡店、
居酒屋、西餐廳就唔係咁計啦。

好可能嗰四條友當左我地係居酒屋=.=



我唔同佢地計較我地係咪居酒屋,
問題係你地唔好係人地就閂門o既時間入黎!!!
當然我唔會係食物入面加料,
但我完全係加左120% o既咀咒入我炒o既飯度。



大家係香港都係,
唔好諗住咁啱人地閂門前入得切去食野好lucky,
好彩o既就只係背負住沈重o既咒怨,
唔好彩的話, 食物材料可能會變得比平時豐富......



兩個老闆又係,
黎又唔知做咩事,
食完個拉麵就走左......
得閒係屋企唞下啦!

結果番到房已經係兩點鐘......