大概會有廿個客咁上下,
主要係1200同1230兩個peak。
但今日中午唔知做咩事,
1130開始啲客就不斷湧入黎,
全院滿座之餘仲要有幾group人見到冇位就後走左。
平時煮十mug米,
一日都用唔晒,
今日淨係一個下午,
已經用晒十mug米,
仲要同落左單o既客講唔好意思炒飯賣晒。
炒到手都斷......
結果淨係中午已經做左36個客=.=
聽落好似好少,
但雖知道我地得三個人做野=.=
再加埋晚上,
今日全日做左56個客,
比第二位o既41個客多左截......
講番正題。
今日中午利用落場o既時,
行左去平野區役所,
(即類似香港o既民政事務處)
去拎我o既外國人登錄証明書,
即類似臨時身份証咁啦。
申請左成個幾月,
終於有得拎喇=.=
(詳情請睇番5/12/2011 o既blog)
等佢開飯的話真係死左幾世。
張証o既構造比想像中靚同認真喎。
仲要有暗閃添,
諗番起細個抽閃咭。
背面就冇乜特別。
手續比想像中簡單,
基本上俾張收條佢,
唔洗一分鐘就拎個證俾我。
我仲問佢「咁就得架嗱」。
仲以為要簽名呀諸如此類......
完成完呢一站之後,
就再行十五分鐘路,
去到平野JR站。
事關小弟星期日會有一個計劃,
朝早番工前去一趟京都,
然後趕火車番黎大阪。
為此, 我需要坐特急火車。
小弟都唔係好知
普通乘車卷之外仲要特急卷係點運作,
但問左加藤之後,
總之就係去JR站搵票務買啦。
於是就買左以下兩張,
由京都駅到天王寺駅o既車飛。
上次黎到JR站,
見到行人同火車o既交匯點已經好想影,
今次趁行閒, 當然唔會放過啦。
行番番屋企途中都影左唔少野
黃色帽應該係小學生。
(小弟唔係蘿莉控)
沒有留言:
張貼留言