決戰星期天

琴日下午無啦啦有咁多人黎,
好可能係因為過一個街口,
有一間新o既大型藥店就黎開張。
唔同公司o既工人黎將啲貨品上架,
所以lunch time就有咁多人湧現。

今日係星期六,
我本身都懷疑啲人洗唔洗番工,
有冇咁多人黎食。
店長佢地話預備定先,
於是作好打仗o既準備,
炒好一大堆飯, 以免售罄。



 結果同我諗o既一樣,
今日回復正常,
只有廿零個人黎。

晚上仲淒涼,
得五個人黎......
七個鐘五個人......



聽日小弟
將會利用番工前o既少少時間仆去京都,
目的係為左睇三十三間堂o既射的大會。

本身諗住請假的,
不過嗰日冇人可以頂我,
(其實本身可以頂我o既得店長一個=.=)
所以放唔成。

10/1去唔成十日戎祭已經好後悔,
今次射的大會, 真係唔想錯過。

估唔到一直期待已久o既京都,
第一次拜訪會係咁o既情況。

小弟將會六點起身,
搭地鐵到天王寺駅,
然後坐JR到大阪駅轉車到京都駅。
應該八點就可以到京都駅。
然後再坐十分鐘巴士到三十三間堂。

射的大會九點開始,
不過小弟0920左右就要走人去搭巴士,
趕番京都站, 搭0945 o既特急番天王寺。
(就係我琴日買嗰兩張飛)
1030到天王寺,
然後轉地鐵番工......

我諗開頭都係啲開幕禮。
希望唔會delay同埋趕得切啲車啦......

日本o既鐵路同巴士有個好處,
就係有時間表。
佢地o既時間表唔係話幾點頭班車尾班車咁簡單,
而係每一班幾點開同幾點到邊一個站。
所以plan行程會比較安心。
當然啦, 唔排除有意外o既。

希望聽日冇意外啦!!! >.<