半天假

今日結果都係冇出去心齋橋一帶買生日禮物,
因為諗諗下其實結果都係差唔多,
大阪除左之外, 我諗都冇乜特別野。
反正我下星期應該會去奈良,
到時連埋呀媽份生日禮物一次過買,
一次過寄番香港仲唔洗咁煩。

今日晚上番工,
唔知點解番左兩個鐘之後,
店長話我可以落場番屋企。
(平時店長夜晚去第二間舖做野)

就係臨走切埋啲椰菜o既時候,
斬到手指尾=.=

因為有血出, 唔適合繼續理食材,
加上本身小弟都係早走架喇,
於是比原本更早歸家。

咁就多左一晚休息。