新組合

而家番工時o既人手係咁的,
日間1100~1400有三個人
小弟+加藤小姐+α (可以係店長進藤, 或part-time安竹, 或老闆娘 新木愛)
晚上1800~0100有兩個人
十之八九都係小弟+加藤小姐

今晚因為加藤小姐有啲私事,
晚上放假, 結果小弟就同店長進藤拍檔。
小弟同佢單獨拍當係一次。



唔知佢係有心試下我做野做成點丫,
定係真係唔想做,
今晚所有order都係小弟做晒......
佢除左同啲客落order之外,
乜都冇做過。
連收舖洗野執野都係小弟一個人做晒......

仲要臨收工黎左班屎忽鬼,
0015入黎,
坐到差唔多0100先捨得走=.=
真係頂佢個肺!
阻住收工,
結果成點半鐘先走得......
(平時點二左右走到)

進藤做緊啲咩?
成晚係度禁電話......

呢啲就係階級社會......
小弟都明o既, 打份工,
做最低層, 係咁上下架喇。
小弟亦都理解, 就算唔係係日本,
係香港打份死人工,
同樣情況都會發生。

小弟只係無聊呻下啫。

除左工作時間乞人憎左啲之外,
(包括時段同長度)
一切都唔係話好差,
反正其實晚上都幾清閒,
可以睇下書, 玩下電腦(without network......)

每次俾人鬧; 悶到嘔; 想去睇祭典睇唔成,
一諗起第一個月搵左成個月工都搵唔到野做,
即刻條氣順晒。

同埋小弟由細到大有一樣技能,
就係俾人鬧當耳邊風。
當(廣東話第三聲)對方鬧緊第二個, 自己係度旁觀!
(小學已經識咁做XP)
所以俾人鬧o既時候,
本住「你咪炒我囉」o既心態繼續做。
(當然有錯係會改o既)
反正我見佢一直都請唔到人。
梗係啦, 啲咁o既番工時間同人工, 搵鬼做咩。
Part-time o既, 日更又唔會得閒同你番,
晚上又唔洗咁多人手。
全職o既, 你人工又唔係高,
仲要工時長, 冇乜私人時間。
好在小弟住得近,
如果唔係都唔番佢份工。

anyway,
繼續本住
「逗你份糧　我做好份內事,
　你係唔据　就炒我我唔區」o既心態,
最少都做到六月底先算。