改制

今日收到加藤小姐o既通知,
小弟做嗰間拉麵店,
將會取消逢星期一休店o既慣例,
改為一年365日營業,
而各人o既休假,
將會改為輪更擇日休息。

本身聽到個消息,
個心沈一沈,
不過諗諗下,
好似咁樣仲好。
因為我可以一早睇定有啲咩節目,
然後揀嗰日放假。
係假期就節目,
唔係節目就假期,
太好了。



另外,
小弟o既力爭之下,
(以前o既我一定唔會力爭啲咩野)
一個月四日假(一星期一日),
增加到一個月六日,
彈性又大左!



下星期o既假,
即刻揀左放28號~
有咩節目?
到時update日記大家咪知囉。


另外

今日唔知做咩事上唔到網,
宿舍提供o既電腦都係,
唔知係咪個網絡有問題......

冇得上網o既電腦,
同冇馬桶o既廁所冇乜分別......
悶左一日......

不過好好彩,
差唔多一點o既時候唔知點解又上得番網。
當然係打番個電話番屋企拜年啦。
然後再同係京都o既fd傾左一陣,
好快就到訓覺o既時間......