星期一

今日係小弟o既拉麵店第一次做埋星期一,
(之前星期一係例假)
唔知係咪啲人都習慣左星期一唔開,
下午數埋都唔夠十個人,
晚上仲勁,
得1 group五個, 再另外加多兩個人黎。

結果成個晚上,
加藤小姐坐係度瞓,
而我就先睇左一個鐘小說,
(《僕は友達が少ない》第四冊都睇完喇=.=
 好彩一早買定第五冊)

然後又睇左兩個鐘旅遊書,
再睇左一個鐘動畫,
然後打埋呢篇blog
(先打係MSWord, 然後番房copy and paste)
差唔多係時候做收工o既準備......

真係唔好意思,
真係好想寫啲有趣生動o既blog,
可惜小弟o既日常的確係咁悶=.=

聽日啦,
聽日晚上放假,
篇blog會好睇好多架喇。



追加:

頂佢個肺,
1240開始執野諗住今日又可以準時放工之際,
兩個老闆同佢地個fd,
飲到啤啤呼咁走入黎,
又要拉麵又要炒飯又要炸雞塊......
磨到成點幾鐘先走.......