奈良一日遊後談

琴日由奈良搭車番大阪,
係月台等車o既時候,
聽到後面有一男一女用港式廣東話交談,
討論緊係邊度排隊上車好。

事源係月台上,
唔同香港東鐵咁有框框住排隊上車o既位置,
日本JR月台係用兩個圓形或三角形表示上車位置。
圓形多數係普通車,
而三角形多數係快速列車。

見大家同鄉,
於是搭咀同佢地講係三角形排隊。

上左車坐埋一齊傾足全程。
佢地係用新年假黎關西六日五夜,
今日係最後晚,
聽日就搭飛機走。

傾開我係大阪搵工做o既慘淡,
同埋而家份工o既工時長,
個男人彈左句「人離鄉賤」。

超中,
四個字表達晒個情況。
賤, 唔係講緊人地歧視你或睇唔起你,
而係你自己為左生存,
都會將自己降格去就人地。

不過, 都係一個好好o既體驗黎o既。
(唯有係咁諗=.=)