炒飯

小弟間拉麵店, 除左拉麵之外,
另一個招牌菜係炒飯。
其實之前店長進藤已經積極地train我炒飯。
一來可以幫輕下佢,
二來女仔跟本抛唔起個鑊。

原來係為左呢一日o既來臨。



今日進藤去左總店度做,
聽講係去學湯底,
而且以後耐唔耐都會係咁。
所以我學左炒飯,
佢就可以行開......

其實炒飯唔難炒,
只係佢要求炒到碟碟一樣味,
佢話我都係差少少。
我自問食野都OK,
但我想講我真係分唔到有咩唔同......

冇野o既,
一日又係咁過。
今日要番埋晚更,
不過唔知係總店啲湯底預備唔切呀,
定係預少左, 今日九點幾就冇晒湯底。

冇晒湯底o既拉麵店,
同冇晒廁紙o既廁所一樣。
所以提早收工,
十點半就執好晒野走人,
good!