五級燒傷

煮開野識炒飯o既朋友都會知道,
炒飯先係加熱啲油,
然後打蛋,
再用鑊鏟打均隻蛋。

今日晚上炒飯o既時候,
打均隻蛋o既時候太用力,
一野將啲油發左落隻手度,
做成六至七塊燒傷。
由LVIS可得知,
啲油係從右邊向左邊飛濺



個title就話五級燒傷,
其實冇乜野,
因為好快就抹走左啲油,
所以水泡都冇起,
只係紅緟左幾塊啫。
應該三四日就冇事。



放工o既時候,
原店長進藤楂車黎接加藤走,
佢無啦啦問我食唔食柑。

即刻諗起超市買袋柑都要三四百yen,
即刻話食啦,
結果佢俾左一袋三十個柑我=.=

我食完之後聽日可能會變橙色.......



過年永遠都係最悶o既一段時間。
因為過年嗰個星期, 日本動畫都會停一停。
平時係屋企都話有其他野做,
而家過左日本,
睇動畫就變左係唯一唔洗錢又方便o既娛樂活動。

捱左一個星期,
今晚終於有得睇喇!