今宮戎神社

日本一月十日,

有個叫十日戎(TOU-KA-EBISU)o既節日。

えびす(EBISU)係日本七福神之一 (E請用英文響音讀法讀)

有好多個寫法 (都係同一個讀音EBISU):

夷、戎、胡、蛭子、恵比須、恵比寿、恵美須, 等等。

其象徵意義大概就好似中國o既財神咁上下啦。

本身えびす係漁業o既神,

主要係漁民模拜。

後來由漁業引身為商業、貿易等事業,

於是慢慢邊左財神。

本來小弟預定聽日放假,

去京都o既えびす神社睇下,

順便試一試去京都係點環境。

例如點轉車呀咁。

但晚上, 兩個老闆都黎左,

等埋我地收工一齊去大阪今宮戎神社參拜。

我唔係唔想去o既,

不過可唔可以早少少通知下我先=.=

次次啲野都係咁突然......

凌晨一點鐘收工,

番房拎埋部相機,

就坐老闆車去大阪今宮戎神社。

日本o既寺廟神社等,

一般夜晚都唔會開,

除左有咩大喜慶例如過年呀,

又或者好似今次o既えびす祭, 9/1~11/9咁。

夜晚去神社,

又幾特別。

係附近停車場落車,

已經見到成條街都係攤檔,

不過可能因為已經係兩點,

所以有四成都已經收左工。

街上o既人都唔係好多。

同老闆一齊行動,

佢地先到一個地攤酒吧坐食飲野同食野,

似乎係識得個店主。

當然啦,

一般應酬我都唔係好在行架喇,

仲要係日本人自己係度high,

我就只有係旁邊,

聽得幾多得幾多咁啦。

坐左九個字左架啦......

終於出發行過去今宮戎神社。

1) 因為天黑, 將ISO推得比較高(2000~2500),

     啲相比較多noise

2) 因為集體行動, 停低影相o既時間唔多,

     所以構圖、setting唔係咁好, 亦都冇機會補影

正門

正常入到神社都係先洗手,

不過啲水真係凍到hihi。

正門牌坊o既背面

下面個個大木盒,

就係要黎放舊年買o既神器。

過新年放o既多都係神箭,

而十日戎多數係放「熊手」(KUMA-DE),

或者係其他裝飾。

陣間會再介紹咩係熊手。 

 店長負責放熊手

啲人圍住晒係本殿度,

做咩? 咪又係得嗰樣。

啲人圍住晒係本殿度,

做咩? 咪又係得嗰樣。

就係圍住掟錢再祈福,

祈o既多數都係生意興隆。

最好係對住中間個「達磨」(DARU-MA)掟。

而後面膠簾啲人,

係要另外俾錢入去接受作福。

另一邊就賣緊啲類似柳條咁o既野。

燈籠上都係啲sponsor o既名

膠簾後面o既法師同善信

相傳えびす耳仔比較差(撞聾?),

所以隨左頭先o既祈福之外,

黎到今宮戎神社參拜,

最好係再去正殿後面o既板大力敲,

目的係話俾えびす知許緊願。

好似下圖右手邊楂拳頭嗰個人就敲緊。

  

出左神社,

外面當然唔少得坤水魚o既店啦,

下面都係傳統祈求生意興隆o既裝飾。

  

最常見o既有兩個樣,

左邊o既就係えびす。

而右邊o既叫大黑天, 係佛教o既人物,

係日本有好多代表o既身份,

其中有代表爵祿, 又或者係廚房、食堂o既神。

所以唔好似為日本只有招財貓。

見到下面嗰張大面額銀紙, 令我聯想起啲野,

唔知你諗嗰啲係咪我諗嗰啲呢。

  

老闆當然都要買番啲啦。

同間店講價o既時候,

同店主講話我係台灣黎(香港囉唔該)

話可唔可以免費送多啲,

結果就送左下圖o既熊手俾我喇。

熊手似個耙, 寓意抓多啲銀。

除左えびす同大黑天之外,

仲有個女人樣, 叫おかめ(O-KA-ME),

代表福氣。

地攤小食

とん平焼,

以我所見,

好似係串住幾鬼肥豬肉,

然後外面包塊煎蛋。

中國o既上海小籠包都黎撈番筆

燒魷魚

番到去頭先嗰間地攤吧,

又飲左陣酒同食左啲野,

四點幾五點終於捨得走=.=

先送一個飲到啤啤夫o既人番屋企,

係一條冇人冇車o既馬路,

影左張相。

番到房都差唔多六點,

眼訓到爆又飲左少少啤酒,

冇沖涼倒頭便睡......