頂!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

去留

經過呢兩日不斷思考,
再加上向細老闆娘打探資料,
同埋親自體會到間拉麵店o既營運,
(基本上而家間舖可以話係我run晒咁濟=.=)
越諗越覺得唔係路,
所以經過認真考慮之後,
無論聽日準唔準時出糧又好,
出得足唔足又好,
推工走人o既機會好大。

錢途

對於而家番緊呢間拉麵店o既前境深表憂慮,
詳細情形暫時唔方便透露,
但總括黎講, 係生意唔多好,
以致小弟對於該店o既財政狀況不太樂觀;
另外係人手短缺,
本來講o既一個月六日假,
二月放得兩日半,
而三月甚至可能更少......
(仲可以少成點=.=)

小弟會以兩個指標決定去留:
1) 一月份o既糧出得準唔準、足唔足,
2)三月份有幾多日假

如果有唔妥,
可能頂龍做埋三月就推工走人。
到時只好另謀高就......

P.S.
XYZ個鍵盤真係好乞人憎!!!

嗰頭近?

講緊o既唔係小弟本人,
而係部電腦......

今日唔知咩事,
唔只係個"H"鍵,
連個"G"鍵同"-"鍵都用唔到......
應該唔係物理性故障,
而係電路板唔知有咩問題......

而家打得到中文字,
全靠螢幕小鍵盤,
用mouse逐粒鍵click......

SHIT!!!

希望可以之前咁,
無啦啦自己好番啦......

My Angel 2

細老闆娘真係我o既ANGEL。
因為另一間店又搞PROMOTION,
(搞乜春丫......)
於是店長一連五日要過去幫手,
而小弟o既partner就變左係細老闆娘。

細老闆娘親切好人已經不在話下,
亦為小弟帶黎好消息:
由今日開始, 收舖時間由一點,
提早到去十一點。

第一下聽到都冇乜野,
但越諗越開心。
工時終於都正常番啲喇......
多番一兩個鐘瞓,
真係相差好遠!

其實兩條藤(加藤+進藤)一直都建議收早啲,
因為十點之後其實真係冇乜客,
不過兩個老闆一直都唔肯。

可能因為大大前日,
細老闆黎杳夜更,
見到有幾咁清閒,
所以而家終於首肯......

跌WATT

經過一連六日o既半價promotion,
無論係我同店長o既心情,
定係來客人數,
都跌番去promotion之前o既水平。

雖然休息左一日,
但唔知點解都係好似好攰咁,
連BLOG都唔係好想寫添......

休息一天

捱完六日之後,
今日全店休息一天。

本來打算去京都嵐山觀光的,
不過實在真係冇錢,
小弟並唔係用到一個崩都冇嗰種人,
所以今日都係留番係大阪算。

一早起身,
(其實都唔早, 成十一點半=.=)
先到AU門市(電訊公司),
黎左第四次, 可能因為時間尚早,
終於唔洗排隊喇!!

捱完六日

為期六日o既半價promotion完結,
原本店長期待每日有80人, 共480人,
而平均消費480yen計算,
六日總收入期望有230400yen。

結果係,
400人(83%), 200000yen收入(86%)。
(括號內係達成率)

算係咁上下啦。
減番啲皮費,
呢段時間都叫有啲賺o既,
但唔該唔好再搞=.=

因為搞完event,
所以聽日全店休息一天。

之前係宇治買o既布甸,
特登留番promotion完左黎食。
聽日係房慢慢嘆先。

雜談

雜談一:

因為今個星期做緊半價promotion,
人手不足o既情況下,
大、細老闆都要落場。

先係上晝,
大老闆同佢老婆黎幫手,
大老闆負責炒飯、老婆負責樓面。
冇乜特別野,
仲好, 唔洗對住個火炒飯咁熱。

晚上細老闆落場。
條友乜都唔識囉,

不存在的room-mate

今日結果新room-mate冇出現過,
等我仲買晒薯片迎新添......
唔緊要, 可以自己食。

定係好似BOBBY所講,
其實我個room-mate一直都存在,
只係我見佢唔到?

半額拉麵promotion仲有兩日,
加油!
(講俾自己聽o既=.=)

半額第三日

今日TOTAL有成74人,
不過因為有足夠人手,
所以都唔係話好忙,
只係啲食材消耗量大左,
要準備番o既份量亦相對增加左啫。

最憎係啲一家四口走入黎嗰啲,
一黎就四碗麵,
我想話一個正常人得兩隻手囉=.=

中午休息o既時候,
打算去門市交電話費,
點知一樣係咁多人。
今次已經係我今個月第三次拜訪=.=

多人唔係問題。
首先係拎籌排隊,
做緊第19個客,
我張籌係25,
但等成半個鐘都冇郁過=.=

三次都係咁......

一個客係咪真係要搞咁耐呀......

下次試下晨早去先......

半額第二日

講番琴晚先,

一個字"SHIT!!!"

收左舖仲要去貼POSTER!!!
搞到成三點先番到房,
真係頂佢個肺......

算, 一晚半晚忍佢。
亞Q啲諗,
我之前同細老闆娘拍檔嗰幾日早左收工,
而家當還債囉=.=

今日星期六o既上午,
的確係俾平時o既星期六多人o既,
不過都係得31人!

半額第一日

呢篇BLOG係下午o既時候寫,
所以未知晚上o既事。

講番,
琴晚臨收舖,
細老闆黎左,
拎埋啲A4 poster去洗樓。
洗還洗, 仲叫埋我幫手洗......

不過都好o既,
我情願出去行下食下風,
都好過屈係店入面洗食具=.=

Honey Moon(s) 將過

今朝番工,
係玄關(即日本人著鞋、換鞋o既地方)見到管理人派緊信。
我都幾佩服管理人,
只係入住嗰時簽合約見得耐啲,
同埋一個月間唔中見三四次個樣,
但佢竟然記得我住邊間房、幾時交租。

佢一見到我,
諗都唔洗諗就同我講,
黎緊二十號會有個日本人入住,
同我share房。

噢,
半價霸一間雙人房o既生活就快要結束了......

睇下同嗰個人o既生活夾唔夾先啦,
我其實又冇乜所謂o既,
不過最worst case,
咪俾多少少錢入住單人房囉。

事實上我早出晚歸,
應該冇乜野o既。

半額

因為店o既生意唔係話真係咁好,
於是啲老闆呀、店長呀,
又諗埋晒啲屎橋,
由17-22/2搞乜鬼野半價優惠。

搞唔係問題,
問題係搞著我丫嘛。
每日80碗半價,
即係預每日100人黎,
啲準備工夫邊個做?
咪又係我囉......

FXXK!!!

於是由今日開始已經要開始準備,
炸中華叉燒呀、切葱呀、煮雞蛋呀咁=.=
真係頂佢個肺......

唔該嗱嗱聲過左呢個星期去...!

唔好話我話,
就算好似而家咁派晒傳單做晒promotion,
我諗一日都唔會超過60人黎=.=

電話

小弟初黎日本o既時候,
為左減省開支,
用零機價出左個最平o既電話+最平o既plan,
可惜嗰個plan只有30分鐘通話。

初初諗住都唔係好用電話,
30分鐘乜都夠啦。
十二月見工時勁打電話都只係over左少少,
而一月番工, 因為店o既野唔洗我孭飛,
所以都冇乜用電話。

可惜2月開始,
因為我負責o既野開始多,
而個店長又唔係好理啲野,
(因為交晒俾我做=.=)
結果成日打電話俾我問問問。

條友又要成日賴風趣講埋啲唔好笑o既說話,
而小弟日文聆聽又唔係真係好好,
於是一通電話有六成時間都係廢的......
仲要有時好雞毛蒜皮o既野都打電話黎,
煩唔煩呀!!!!

雖然而家先係2月中,
但小弟好肯定今個月已經過左30分鐘......

而家小弟採取o既措施係,
如果店長打電話黎而我係舖頭的話,
會先cut佢線,
然後用舖頭o既固網電話打番俾佢。

咁樣做,
有效減少七成o既手機用量!!!!!

雜項

其一:

可能因為琴日行左半日山,
今日對腳有啲酸痛。



其二:

今日店o既客流量創紀錄:
上午兩個, 晚上五個=.=
我連佢地叫左啲咩食都仲記得......



其三:

伏見稻荷大社+桃山城+宇治(平等院&宇治上神社)

是日放假,
本身打算係房瞓下覺算,
但諗諗下, 難得放假,
就咁就過左好似好浪費咁,
於是臨時臨急就plan左去京都旅行。

一來因為plan得比較急啦,
二來平時番工都比較攰,
所以今日鬆鬆地只係去三個景點算。
主要係京都南部,
沿JR奈良線南下,
先係去伏見稻荷大社,
過兩個站去桃山城,
然後再落去宇治。

點知一早就出事喇=.=

預左七點起身的,
點知瞓過龍,
訓到七點九先起身,
結果去到伏見稻荷大社已經係十點鐘左右......
(本身打算九點到的)

之前o既BLOG都提過,
如果個神社有好多紅色鳥居,
(即係「开」字形o既牌坊)
十成九都係稻荷神社。
而除左多鳥居之外,
稻荷神社亦會有好多狐狸o既雕像,
因為日本人相信狐狸係稻荷神o既使者。

而京都伏見區o既稻荷大社,
就係日本全國大大小小稻荷神社o既總店!
更有出名o既「千本鳥居」。
(「本」係日語量詞單位)

但唔知點解好似冇乜旅遊書講伏見稻荷大社。
不過無阻小弟o既意志,
決定一覽千本鳥居o既真面目。

可一不可再

之前提過話想買單車,
係附近單車店見到一架二手折疊式單車,
只係3500YEN,
可惜今日的起心肝打算去買o既時候,
店主話架單車好快就已經賣左出去......

聽日迎來一日放假,
本身打算去天橋立,
不過巴士係要預先訂位,
朝早去嗰程都仲有位,
但可能因為係星期日,
下午回程全部full晒,
去唔成。

本來都放棄,
係房hea下算,
不過諗諗下又好似好浪費咁,
於是臨時plan左一個京都南部慢慢行,
睇三、四個景點就算。
然後約左HKY小姐晚上食飯。

希望呢個臨時臨急plan o既行程唔會出咩亂子~

天橋立

唔好俾個題目呃左,
小弟並冇去到天橋立,
只係今日同店長進藤傾開偈,
講起想去天橋立,
不過因為鐵路車程長、車費貴,
所以未必去得成。

原來進藤係天橋立附近住過一排,
佢話我知有巴士往返天橋立同大阪,
車程唔差太多(2小時20分同3小時o既分別=.=),
但價錢平差唔多一半!!!!

好心情

好心情o既唔只係我,
店長都係。

應該調番轉講,
因為店長今日好心情,
冇乜事發生,
所以我都好好心情。

因為店o既準備工作基本上我負責晒咁濟,
所以買食材等都開始要做埋。
而家都係咋家依, 店長楂車番工o既時候托佢買埋,
但遲早有一日我都要去買。

勞動階層

呢個問題以前一直都有問自己,
只係呢幾日問o既頻率比較高:

「「人」咁辛苦生存為左咩?」

當然小弟唔係諗住話要死。

只係由以前住屋企食屋企,
(當然有俾家用啦)
做一份朝十晚五o既優差,
變左而家朝十晚二o既14小時勞動,
食自己住自己,
變化比較大, 所以感觸大啲啫。

而家對於小弟繼續捱騾仔o既推動力有以下四點:

1) 捱過呢半年(捱到的話), 後半年會玩得好開心
2) 晚上番房睇動畫, 睇得一集得一集
3) 老豆番工都番成十二三個鐘, 都係咁做
4) 香港有更多低下階層比小弟更辛苦, 但生活更差~

鬼叫你窮牙頂硬上呀~

日本有句諺語「かわいい子には旅をさせよ」
即係話「讓自己o既孩子出去世界見識(勞苦)一下」
係有必要的~

雜談

出糧:

本身話下一個月尾出糧,
即係話12月糧1月尾出,
但結果拖到今日先出糧=.=

仲要勁縮骨囉!!!
12月嗰五日我係Part-time咁番,
1月先正式轉做正社員。
所以12月o既人工本應係:
800 yen X 10 hr/day X 5 days = 40000 yen

但而家計我12月都係正社員,
以150000 yen 除 30日 X 5日 = 25000 yen

再扣埋10%稅,
結果得番22500 yen......

好彩小弟都唔係善類,
1月尾o既時候已經周圍放風話自己冇錢交租,
本來係打算等啲人講俾老闆知,
點知黑田勁好人,
二話不說就借左33000 yen俾我。
有少少唔好意思o既,
但錢係自己袋穩陣,
加上銀包係要黎裝銀紙,
而唔係要黎裝廉恥 XP

於是而家先還13000yen俾黑田,
下個月出左糧再還埋嗰20000yen。



計數:

今晚店長同我一齊計下店o既生意額。
因為店長唔係老闆,
但點都要睇住個生意額做人。

計完發覺,

My Angel

今日係超長工時o既第二日,
早上十點落舖預備,
十一點開舖,
兩點收舖,
然後預備晚上o既野,
搞得黎都成四點幾。

拿拿林番宿舍同屋企人通個電話,
五點幾又要再落舖開舖。

超長工時

份工越黎越唔想番=.=

因為加藤去左新舖做,
結果三個人o既工作得番兩個人做,
而進藤本身都唔係好做野,
結果所有準備工作都係我做晒.....

今日朝早九點落舖準備,
做到兩點, 執埋野都成三點,
仲要預備晚上o既野,
結果得番一個鐘休息,
五點半再開始過=.=

SHIT!

小弟都想辟炮唔撈,
可惜日本有啲工司(包括小弟嗰間)o既人工係第二個月尾出,
(即一月糧二月尾出)
小弟而家銀彈有限,
仲未可以咁瀟洒話走就走,
如果唔係就真係走番香港=.=

anyway,
再頂下先啦,
未至於辛苦到捱唔住,
只係有啲厭倦同不如意啫。

唉...

今日開始加藤去新舖度做,
得我同進藤兩個。
晚上發生左啲事,
撻著左進藤,
係咁無理取鬧,
搞到三點先走得人=.=

EQ

呢幾日係咁俾嗰兩條藤(加藤+進藤)噴。

可能因為一來新店嗰邊工程延期,
打亂左佢地好多野;
二來佢地要顧兩邊比較忙燥底左,
三來佢地急住要我學晒啲野,
所以勁唔好老脾。

再加上日本人勁認真到過晒龍,
(聽就聽得多, 呢幾日真正感受到)
成日俾佢地捉到啲細眉細眼野,
郁啲就勁惡咁鬧。

不過好在小弟早已練成金剛不壞之身,
正如前幾日o既BLOG所講,
你鬧我當旁觀(當然有錯要改啦)
而且仲會覺得對方咁辛苦鬧人好好笑。
(盡量唔笑出聲)



有咩咁好笑?
俾各位看官兩個例睇睇

郵筒

可能言語上有啲誤會,
店o既人以為我今日請假,
琴晚放工o既時候話「後日再見」先知發生咩事。

因為已經安排左人手,
都冇得話唔放就唔放,
所以今日上午休息,
下午先番工。

話就話休上午,
不過其實時間都唔係好多,
唔去得遠,
二來突如其來, 都冇準備,
三來今日都冇乜慶典,
所以只係近近地去郵局寄野同辦銀行啲手續算數。

冇左個下午break

今日中午,
大老闆又黎開發新menu,
同黑田兩個係度整完又食,
食完又整=.=

足足搞左成個下午.......

但我想話,
佢地所謂o既新拉麵,
唔係真係好好食......

其實唔係老闆叫我留低睇佢地整,
而係店長進藤叫我黎底幫手,
而佢就去新店打點。

SHIT!!!