電話

小弟初黎日本o既時候,
為左減省開支,
用零機價出左個最平o既電話+最平o既plan,
可惜嗰個plan只有30分鐘通話。

初初諗住都唔係好用電話,
30分鐘乜都夠啦。
十二月見工時勁打電話都只係over左少少,
而一月番工, 因為店o既野唔洗我孭飛,
所以都冇乜用電話。

可惜2月開始,
因為我負責o既野開始多,
而個店長又唔係好理啲野,
(因為交晒俾我做=.=)
結果成日打電話俾我問問問。

條友又要成日賴風趣講埋啲唔好笑o既說話,
而小弟日文聆聽又唔係真係好好,
於是一通電話有六成時間都係廢的......
仲要有時好雞毛蒜皮o既野都打電話黎,
煩唔煩呀!!!!

雖然而家先係2月中,
但小弟好肯定今個月已經過左30分鐘......

而家小弟採取o既措施係,
如果店長打電話黎而我係舖頭的話,
會先cut佢線,
然後用舖頭o既固網電話打番俾佢。

咁樣做,
有效減少七成o既手機用量!!!!!