半額第一日

呢篇BLOG係下午o既時候寫,
所以未知晚上o既事。

講番,
琴晚臨收舖,
細老闆黎左,
拎埋啲A4 poster去洗樓。
洗還洗, 仲叫埋我幫手洗......

不過都好o既,
我情願出去行下食下風,
都好過屈係店入面洗食具=.=



去到附近o既団地(DAN-CHI)。
「団地」本身係指由市、政府起o既屋,
屋租一般, 我諗類似香港o既公屋咁啦。
而「団地」廣義則指集中o既住宅區。

而小弟洗樓o既係前者。

想話,
半額前680yen一碗拉麵,
雖然唔係貴(以日本生活指數啦),
但都唔係平嗰邊。
就算吸引到団地班人黎食半額,
都唔會成為長客,
定位係咪定錯左囉。

仲要其實個団地行到去店,
起碼要十五分鐘。
行開行埋經過就話,
如果唔係我先唔會天寒地凍行十五分鐘成碗麵=.=

更白痴o既係,
頭先講過, 佢地印嗰啲係poster,
(仲要係A4 SIZE彩色),
當普通傳單咁派,
係咪有啲戇居呢。

小弟上過莊所以了解,
(就算冇上過莊都會知啦)
呢啲消耗品,
有咁平得咁平,
有咁多資料得咁多資料,
但係要有咁簡潔得咁簡潔。

佢地係好簡潔o既,
簡潔到連地圖都冇,
淨得個地址,
鬼有人同你慢慢搵......

ANYWAY,
我覺得係promotion上,
佢地完全錯晒。

再根本少少,
佢地開呢個舖o既地點同目標完全唔配合......

踩得太盡唔好意思,
有糧出的話我就話知你地啦。

今日迎來半額第一日,
1100-1400,
一共23人,
同平時一樣......

唔知晚上點,
不過可能我前日話o既一日60人都俾多左=.=




P.S.晚上34人, 共57人, 果然係俾多左。