雜談

雜談一:

因為今個星期做緊半價promotion,
人手不足o既情況下,
大、細老闆都要落場。

先係上晝,
大老闆同佢老婆黎幫手,
大老闆負責炒飯、老婆負責樓面。
冇乜特別野,
仲好, 唔洗對住個火炒飯咁熱。

晚上細老闆落場。
條友乜都唔識囉,

陸完個麵點樣砌啲料又砌唔掂,
炒飯又難食。

當然唔會當然講啦,
而且礙於面子,
都係由佢黎炒飯。

算,
一來唔係我食,
二來間舖唔係我o既,
由得佢玩。

做到十點幾開始冇客o既時候,
條友係咁叫悶=.=
(我地又何嘗唔悶呢)
結果條友CALL左班fd黎食野......



雜談二:

今日見到宿舍管理人,
我都未開聲問佢,
佢已經同我講, 話
新入伙嗰條友突然有啲事,
要三月先黎,
詳細時間日子遲下再同我講。

於是我可以享受多十日左右o既個人生活。



雜談三:

聽日係半價promotion最後一日,
捱過左之後23/2放假一天。
本來都想去京都嵐山,
不過實在係冇錢,
唔想用到咁盡,
於是約左人係天王寺食個晚飯,
平平地一個好好o既節目。