休息一天

捱完六日之後,
今日全店休息一天。

本來打算去京都嵐山觀光的,
不過實在真係冇錢,
小弟並唔係用到一個崩都冇嗰種人,
所以今日都係留番係大阪算。

一早起身,
(其實都唔早, 成十一點半=.=)
先到AU門市(電訊公司),
黎左第四次, 可能因為時間尚早,
終於唔洗排隊喇!!



交電話費, 再順便問清楚
邊啲服務要錢, 邊啲唔洗錢。
雖然簽合約o既時候都已經講得好詳細,
但始終有啲野係唔用過唔知的。

搞完手機啲野,
然後去AEON買中午o既飯餸,
番宿舍煮意粉。

食完意粉係房hea,
都係同人MSN呀、上下網呀、
打下機咁啦。

五點半出門口,
因為約左個人食飯。

同呢個S小姐素未謀面。
大家相識都係因為日文老師。

S小姐同小弟係香港o既時候,
都係係月經日本語學校學日文的。
雖然唔同班, 但同一個老師。

S小姐比小弟早到日本, 黎學日文。
後來日文老師同小弟先後到日本,
經日文老師介紹,
得以相識。

雖然係他鄉遇到o既唔係故知,
但都有一種親切感,
話晒都係講同一種語言!!!

係天王寺某食肆足足傾左成四個幾鐘,
十點幾先閃人。