去留

經過呢兩日不斷思考,
再加上向細老闆娘打探資料,
同埋親自體會到間拉麵店o既營運,
(基本上而家間舖可以話係我run晒咁濟=.=)
越諗越覺得唔係路,
所以經過認真考慮之後,
無論聽日準唔準時出糧又好,
出得足唔足又好,
推工走人o既機會好大。




詳細原因等個鍵盤好番之後先慢慢解釋......

不過點都好,
都會做埋個三月先o既。
大不了冇錢咪番番香港囉=.=

講時講,
其實細老闆娘真係幾好人。
好耐之前小弟煮過一次意粉俾佢食,
然後佢就整番一次沙律俾小弟食。

讚佢幾句話好好食之後,
呢幾晚餐餐都用店o既資源,
再另外買料煮野俾小弟食。

琴晚係お好み焼き,
而今晚就係漢堡扒。
平時睇動畫就睇得多喇,
但完來日本人都真係會整漢堡扒食。
而且細老闆娘啲廚藝都唔錯,
總算叫做係餐餐拉麵當中帶黎一片綠洲!