好心情

好心情o既唔只係我,
店長都係。

應該調番轉講,
因為店長今日好心情,
冇乜事發生,
所以我都好好心情。

因為店o既準備工作基本上我負責晒咁濟,
所以買食材等都開始要做埋。
而家都係咋家依, 店長楂車番工o既時候托佢買埋,
但遲早有一日我都要去買。



而幫襯開嗰間超市要由拉麵店步行十分鐘一程。
即係話由我宿舍行過去一程要十五分鐘。
都幾遠下,
考慮緊買唔買單車。

之前係附近有間單車舖,
見到有架二手折疊式單車,
有少少生锈,
但只需要3500yen。
需知道係日本,
 一架似樣o既單車都要過萬yen,
而二手車一般都要五千yen左右,
所以3500yen真係抵到爛!
(計番港弊都係咁話)

不過而家都要收到正式第一份150000yen o既糧,
而單車又唔係真係非常必要~
都係睇定多少少先。

好似之前話晚上工作悶到發癲,
打算申請無線上網,
等我番工可以用電腦上網咁,
連價錢都問埋,
好在小弟凡事都睇定啲先,
結果而家間晚上都唔會得閒得去邊=.=
慳番筆。

買單車又要買埋鎖同埋燈......