雜談

包食:

一來女人怕肥啦,
二來成日食拉麵都會厭,
所以基本上而家細老闆娘落場,
好多時都會自己帶材料煮晚飯,
當然會煮埋我嗰份啦。
於是呢排晚餐都唔怕悶,
食得都唔錯下。

感覺上晚上o既拉麵店,
好似變左私人廚房咁......





一週年:

就算係唔睇新聞o既朋友,
只要身在日本,
都會知道今日係日本東北地方太平洋沖地震一週年。
(「沖」(OKI)日文解作離岸海域)
因為今日邊一個電視台都好,
一日廿四小時都係做地震一週年特輯......

都係講一年前同而家o既對比呀;
當年邊個邊個犠牲自己夠左邊個邊個呀;
啲災民點奮鬥呀;
再加N個感人小故事咁上下。

當然啦, 第二啲縣唔肯收廢物呢啲唔會講。

ANYWAY, 啲感人小故事又真係幾感人o既。

雖然有好多歷史背景、政治環境影響,
但平民係冇罪的,
大家活係同一個地球村之下,
讓我們為不幸o既人祈願。