雜項

定食:

係無啦啦o既情況下,
今日拉麵店換左菜牌,
除左啲拉麵減左少少價之外,
(680yen-->600yen)
仲多左樣野,
叫「每日定食」。

個問題係,
每日定食有啲咩野食都未定=.=
細老闆係咪腦殘架!?

ANYWAY,
中午俾減左吸引入黎o既客人的確係多左啲。



ネギま！:



連載左九年o既漫畫《魔法老師》終於完結。
呢套係小弟第一套追晒o既長篇漫畫。
估唔到會由最初賣肉求榮o既美少女漫畫,
演變成熱血系魔法打鬥漫畫,
而且越打越好睇,
實在係始料不及。
個結局可圈可點,
不過唔算係爛尾o既。

再見了《魔法老師》,
期待赤松健o既新作。