今日開始小弟老過譚詠倫

因為之前某人八掛加上手多多o既關係,
係拉麵店個月曆上記低左小弟o既生日日期。
細老闆娘同細老闆見到,
就話5/3晚放左工請我去食飯慶祝。

一)
你有錢請我食飯,
倒不如準時出糧俾我仲好!!!
二)
同老闆食飯,
只有應酬o既氣氛,
點會係慶祝丫......
三)
放左工都成十一點幾,
唔好玩啦,
我情願番房瞓......

本來都諗緊點樣推左佢架喇。

咁啱可能琴晚食得多薯片,
今日喉嚨有啲唔舒服,
連帶有啲傷風,
晚上打噴嚏流鼻水+兩聲咳。

小弟都未開聲講,
細老闆已經問係咪傷風。
小弟當然打蛇隨棍上,
話唔係好舒服,
聽晚可能都係食唔到飯。

YES!!!
搞掂!!!

其實咁樣, 打噴嚏流鼻水+兩聲咳,
黎到日本已經係第三、四次,
因為小弟調理得宜,
每次都冇化做大病,
兩三日就好番可以再食薯片。

ANYWAY,
真係病得合時