半斤八両

今日星期一,
本身拉麵店逢星期一休息,
不過因為今日係公眾假期,
所以今日都要番工,
補假補聽日。

通常呢啲突然o既調動,
或者係某人唔得閒番工,
都係由細老闆補上。
今日都唔例外。

實在係唔鐘意同呢條茂李拍擋,
超奄尖聲悶, 原因如下:

日本上班族雜談

因為同LY先生傾開呢個話題,
加上今日又冇乜野好寫,
所以就寫下呢方面o既野。

事源小弟上兩個星期
有二日都係晨早留流流去京都賞櫻。
小弟五點幾六點起身,
去到大阪o既大車站轉車到京都,
時間都未到七點鐘。
但往京都o既車箱裏面已經迫滿人。

(小弟經過升中學時學能測驗推理o既訓練後)
由此可見:

1) 好多日本人會過隔離城市番工

2) 佢地勁早起身,
因為佢地都係由大阪唔同地方黎到呢個站,
再轉車到京都。
早過小弟起身都唔奇。

3) 佢地留係屋企o既時間好少,
因為淨係由大阪去京都都45分鐘車程,
莫講話再駁車。
放左工又要花番咁多時間番屋企。



然後同細老闆娘討論呢個話題。
原來日本人過隔離縣番工,
唔係話咩咁新奇o既事,
一兩個鐘車程(單程)都好閒。

=.=

呢啲係咩生活!?

黃金週

內地有五一黃金週,
日本五月頭都有個黃金週。
29/4, 3/5-5/5都係公眾假期。
29/4因為係星期日,
所以30/4(星期一)補假。
變左如果拎1/5, 2/5兩日假,
就可以連續放九日。(五天工作o既人士)

額外資料
29/4: 昭和之日
3/5  : 憲法之日
4/5  : 綠色之日
5/5  : 兒童節(男)

不過小弟做拉麵店呢啲服務性行業,
當然冇黃金週呢支歌仔唱啦。
但大老闆唔知點解無啦啦話,
諗住整三日連休,
問我7-9/5好唔好。
梗係實話好架!!!

只係擔心筍野o既背後有冇啲咩陰謀咁啫,
例如係「黃金週晚晚開到凌晨五點」咁...

ANYWAY,
要好好PLAN下點利用呢三日。
心目中一早已經有想去o既地方,
所以今日中午休息o既時間,
去左AEON o既旅社睇下人地旅行團去邊,
同埋係AEON o既書局買左本書。

去邊度旅行,
都係容小弟賣個關子先啦,
遲下去完寫BLOG先揭曉。

應酬

琴晚伙拍細老闆。
本來都唔係好like同佢合作,
不過都拍檔過咁多次,
加上心境改變左, 睇化晒,
覺得點都冇乜所謂=.=

夜晚做到凌晨十二點,
都仲有兩條友黎食野。
一條友係度睇汽車雜誌,
足足坐左成粒鐘先走,
另一個呀叔十二點九左右入黎食。

食都冇乜所謂o既,
反正你有你食,
我有我執野預備收舖。
點知個呀叔食完,
好好人咁(=.=)話請我地兩個飲啤酒,
交低1000yen之後走左......

於是細老闆就話,
「今晚做到呢度,
   坐底慢慢飲」

FXXK!!!!!

試問有邊個員工會想同老闆把酒當歌=.=
(除左想上位要擦鞋嗰啲之外)

結果局住俾佢隊左兩支啤酒。
一來平時小弟唔飲酒, 酒力唔太好,
二來九點半食完個晚飯到凌晨一點,
完全係空肚飲酒,
再加上想拿拿聲飲晒佢執野酒,
飲得急左少少。
飲完之後個胃唔多舒服@_@

番到房即刻搵啲野食, 亡羊補牢。
一瞓上床就瞓著左e_e

補償?

今日上午嗰更, 由小弟+大老闆+新人三個掌櫃。
十二點半, 黎左四條友, 係熟客,
不過小弟不太喜歡呢四條友,
一來扮晒熟咁講三講四,
二來坐勁耐都唔走,
三來又唔係食得多野, 係咁隊啤酒=.=

呢四條友平時只係會晚上黎,
所以對於第二點, 小弟都冇乜所謂,
但今次係日頭......
見到佢地四個嗰刻已經有不祥o既感覺......

又一日

過左賞花o既季節之後,
生活又歸於平淡......
番工-->小休-->再開工-->瞓覺......

總括黎講,
今日冇野好講......

熱

今日突然間熱左好多。

平時拉麵店個趟門係緊閉,
然後開暖氣的。
由上星期開始,
關住門唔開暖氣就啱啱好。

但今日,
直頭全日中門大開......

唔係話冇暖氣,
不過呢個氣溫好尷尬,
開冷氣又凍,
唔開冷氣又熱=.=

放假

四月, 實在已經出遊太多喇,
今日雖然放假,
但如果再出遠門實在有點兒那個。
話晒上兩個星期不斷去唔同地方賞櫻
(其實都只係大阪、京都、同埋滋賀),
今個月完全係洗大左=.=

平時一個月所有開支約70000-75000yen,
今個月都仲有一個星期先完,
但就已經用左110000yen......

下個月要再節省少少先得,
如果唔係下半年o既計劃就要泡湯。

不過其實都預左四月賞櫻會洗多左架喇,
反正五、六月都冇乜好似櫻花咁唔睇唔得o既事,
游游閒咁一個月出一兩次遠門算數。
留番辭左工之後再去大開殺界。

俺の妹がこんなに可愛いわけがない 10

琴日由大阪造幣局番番宿舍o既時候,
搭地鐵經過天王寺駅,
於是落車到天王寺o既animate,
買《俺の妹がこんなに可愛いわけがない》第10卷。

其實10/4已經出版左,
不過一直冇機會出黎買。
講真, 一般書局都有o既,
只係因為一直係animate儲開積分,
所以可以o既話都盡量係animate買。



終於買到喇!!!
小弟終於明白十年同班同學HOY小姐,
當年買到期待已久o既《蝦你波凸》最終話o既喜悅。

忍唔住係地鐵已經開始睇,
一開始已經爆笑了,
作者o既搞笑功力越黎越好~

唔知中文版幾時出呢?
不過唔關我事XP

櫻花 (大阪造幣局)

本身打算琴日去o既大阪造幣局,
改為今日去。
打算琴日去o既原因,
係因為琴日係星期五,
應該唔會好多人,
不過琴日落雨就冇辦法啦,
唯有今日去。

今日係星期六,
都預左會多人架喇,
不過真係冇諗過會多人成咁......

「人人朝著那方向,
   心中帶著笑......」
小小弟真係笑唔出喇,
仲多人過星期日o既旺角!!!
大阪造幣局o既櫻花真係咁受歡迎!?

實施人流管制,
一方通行(即單向行走)
對面馬路係回程。

小提琴

本來打算利用今日下午嗰個break,
去大阪造幣局睇櫻花的,
不過天文台話今日下午開始會落雨,
所以打消左念頭,
留番係宿舍。

不過塞翁失馬,
係番房經過common room o既時候,
聽到啲好難聽o既小提琴聲,
裝下common room入面,
原來有個女仔拉緊小提琴。

新人II

基本上新黎嗰個女part-time,
應該係番星期一至五o既日間。

今日開始教佢學整拉麵(陸麵+放配菜)。
對小弟黎講, 職場上有後輩, 真係第一次。
由於小弟一向唔慣洗人做野,
所以叫/教佢做野o既時候都有啲唔好意思。

見佢姐手姐腳都幾過隱,
不過自己初初入黎做嗰時咪又係咁......

新人

由月頭開始,
拉麵一直都係店外貼公告請PART-TIME。
斷斷續續六七個人黎面試之後,
大老闆決定請一個二八年華o既女仔。

為左理想學跳舞,
而家逢星期六學跳舞,
其餘時間就做freeter,
即係全職打散工。

個樣未講得上好KAWAII,
不過總算五官端正。
有男朋友OTZ

報告係咁多......

又一日

今日冇乜特別事發生啦,
只係呢排出門比較多,
所以比較攰,
加上要寫BLOG,
都幾花時間。
所以大家都真係要多多捧場,
閱覽一下小弟外出遊覽之後寫o既BLOG同相。

櫻花 (近江八幡+安土城跡+彥根城+豊公園)

好喇開估喇,

今日小弟去左邊度賞櫻?

就係京都隔離個縣---滋賀縣。

滋賀縣係邊?

下面地圖括住嗰三個地方,

就係小弟今日遊覽o既地方,

大阪就係地圖o既最左下角......

又係晨早六點爬起身啦。

首先由大阪搭粒幾鐘車黎到近江八幡。

到達時已經係八點半

近江八幡位於琵琶湖東面,

當時豊臣秀吉個家姐個仔---豊臣秀次,

將近江八幡 打造成一個繁華o既商業城鎮。

琴晚睇地圖,

見由車站去到個景點,

都只不過係一直線兩三公里路,

所以都冇打算check巴士路線同埋搭巴士。

結果一行就行左半個鐘,

仲要係以競步o既速度行......

首先黎到o既係八幡堀,

一條長6公里o既運河,

當年商人就係以呢條運河作水路交通。

當然小弟唔會行晒6公里啦......

事不過三!?

琴日星期日,
拉麵店收早,
十一點收工,
執埋野十二點左右就番到房。

咁啱同房先啱啱瞓落床,
仲未瞓著,
告知小弟一件大事。

同房因為祖母身體抱恙,
要回鄉陪伴(好似佢雙親都已經不在......)
所以雖然黎得三日(都冇),
但聽日就要搬走......

可惜小弟聽日要去賞櫻,
如果唔係都想同同房相處一日得一日。
雖然同一個作息時間唔同o既人住埋一齊好唔方便,
但都叫做多個朋友丫......

ANYWAY,
交換左CONTACT,
係現今世界,
總會有再見o既一日。

終於出現

講緊o既係小弟o既同房。

不過因為大家o既生活時間唔太吻合,
見面o既時間唔多,
所以只係簡單傾左幾句。

睇落年紀好似俾小弟細少少,
應該係好人一個。

詳情之後有機會再補寫啦,
呢幾日係咁賞櫻,
超攰超眼訓,
再要寫埋BLOG,
都冇乜時間剩,
要爭取時間瞓番下......

大家有空o既就睇番之前小弟賞櫻o既BLOG啦。

預告,
後日(16/4, 星期一) 小弟仲會去多次賞櫻,
地方等詳情而家唔講住,
等大家期待下啦。

櫻花 (清水寺+八坂庚申堂+円山公園+蹴上INCLINE+岡崎疏水+平安神宮+哲學之道+銀閣寺)

琴晚都係三點左右瞓啦,
然後又係晨早流流六點鐘爬左起身。
搭地下鐵到東梅田轉JR到京都駅。
轉乘100號巴士0820左右就到清水五条。

因為幾個月前先黎過一次,
所以好快就搵到路行上清水寺。

上次黎正值隆冬,
樹木都光秃秃,
清水時係靚.
但總係欠缺啲野。

今次黎到,
完全係煥然一新,
果然寺廟雖好,
都要有櫻花扶持~

不過問題係,
點解會有咁多人=.=
上次都係八點幾左右黎到,
但鬼影都冇隻。
今次同一時間黎,
但就爆多人......
鴨仔團呀、學生呀咁......

因為今次主要係黎賞櫻,
所以冇櫻花o既景冇乜點影。
想仔細啲睇清水寺的話,
請睇番小弟16/1/2012嗰篇BLOG。
(http://japsleevefish.blogspot.hk/2012/01/blog-post_16.html)

who has stolen my 單車

其實琴日o既賞櫻之旅仲有下文......

小弟琴日一早係踩單車到地鐵站的。
平時行經, 成日都見到有大量單車泊係嗰個位,
雖然話有警察o既橫額話違例停泊會被搬走,
不過行過咁多次都仲係見到咁多單車泊係度,
加上小弟只係泊半日啫,
於是以身試法。

結果......

寫得呢篇BLOG,
就梗係LAI野啦......

我想話,
今次係小弟第一次,
除左係宿舍同拉麵店以外o既地方長時間泊車,
估唔到第一次就中招。

你話日日係咁泊,
俾人捉一次半次就話啫......
六合彩又唔見我中......

要認領番架單車,
先要到三公里外o既車場,
然後交低2500yen......

好在大老闆好人,
聽到我講件事情之後,
日頭兩點收左工,
車我去車場認領番架單車。

不過2500yen.............

SHIT!

櫻花 (嵐山、嵯峨野)

琴晚放左工凌晨三點先瞓,
瞓唔夠三個鐘,
0545就爬左起身,
為o既就係去京都嵐山賞櫻......

要好好珍惜呢半日膽粗粗請番黎o既假,
不過天公不造美,
今日全日落雨,
仲要落得唔細吓......

先搭地鐵到 東梅田,
再行去搭阪急到 桂,
再轉車到 嵐山駅。
一埋到站, 都未落車
已經見到好靚o既櫻花。

明日

而家係日本時間凌晨三點。
一來今日冇乜特別事發生,
二來聽日上午請左假去京都賞櫻,
預定0545就要爬起身=.=

所以今日篇BLOG從簡,
敬請原諒。

櫻花 (大阪城+萬博記念公園)

琴晚屎忽痕,
十二點幾一點飲左罐咖啡,
以前咖啡對小弟係冇影響的,
不過可能因為冇飲太耐,
結果?
琴晚眼光光,
望到凌晨五點幾六點,
天都開始光先瞓著=.=

呢啲咪叫捉蟲囉.......



番番正題,
是日放假,
養晦韜光左咁耐,
係時候出動喇。

大阪o既主要櫻花都開左七成以上,
於是今日o既景點係大阪城同萬博記念公園。

由於凌晨先瞓著o既關係,
本身打算九點起身,
變成十點先起身,
出得門口都差唔多十點半。

十一點左右到達大阪城公園外圍,
已經零零散散見到唔少櫻花o既容姿。

俾龜逗

平時夜晚收工踩單車番宿舍o既時候,
都會著住車頭燈,
今晚都唔例外。
不過小弟想係宿舍對面馬路o既便利店買少少野食,
於是先到便利店泊車熄燈買野。

買完野,
反正都係過條馬路啫,
於是冇開車頭燈,
就咁踩車單行呢段三十米都唔到o既距離。

點知係宿舍門口,
唔知點解有兩個警察,
可能係辦完其他事,
咁啱見到小弟冇開車頭燈,
於是叫小弟開車頭燈之餘,
順便check埋証件=.=

我想話,
仲有五米就到我泊單車o既位置......

ANYWAY,
嗰兩個警察都幾友善,
語氣和善, 仲會主動撩小弟傾閒偈,
唔似香港啲警察就咁冷冰冰一句
「拎身份証出黎..........
    .........冇事喇走得」

請假

首先,
點解琴日個POST乜都冇寫,
只係得一句野,
瀏覽人數都可以有廿幾=.=



講番正題,
因為天氣遲遲未回暖,
令到櫻花o既開花期比原先預計o既仲要遲兩三日,
結果令到京都o既花期同小弟o既定休日(星期一)錯開左......

點PLAN都PLAN唔掂。
不過好在而家拉麵店因為大老闆都落場,
所以日間o既人手由兩個變為三個。
於是晚上唯有膽粗粗問佢可唔可以放兩個日頭o既假。

結果......

又一日

真係諗唔到有咩好寫......

朝令夕改 升級版

琴日講過拉麵店改為凌晨兩點收工,
小弟都知冇咁著數架喇。

結果因為早左收工,
(只係嗰一個鐘咁大把)
所以小弟日日都係番
1130-1400 & 1800-2600
=.=

不過其實夜晚兩點幾番到房,
沖埋涼三點至三點半瞓,
瞓到第二朝十點半,
有七個鐘睡眠時間,
都叫做足夠。

只係晚上困係間舖八個鐘有啲難捱啫=.=

朝令夕改

今日教大家一個成語叫「朝令夕改」

本身拉麵店派晒傳單話早上1130-1400,
晚上1800-2700(即係凌晨三點)。
而晚上係大老闆OR大老闆娘黎收銀頭的。

結果實行左兩日,
琴晚番工小弟收到短訊,
話店o既時間改做2600收工。
睇黎大老闆們自己都頂唔順=.=

不過小弟係歡迎o既,
早收一個鐘喎!

地獄式更表

拉麵店o既更表終於有著落,
以星期為單位repeat。
不過一星期總計上班時間長左=.=
同埋唔太固定。
有時要番到夜晚三點,
但第二朝就唔洗番咁。

ANYWAY,
除左時間長左呢個缺點之外,
好處係有啲日子日頭唔洗番,
如果真係有觀光想去的話,
可以以縮短瞓時間黎進行,
對睇櫻花都多左啲彈性。

而家好似請緊人,
如果請到的話,
可能到時上班時間會短番少少,
不過多數暫時四月都係行呢個更表......

狼來了

是日放假,
都係為左留番個錢o既原因,
今日除左中午出去買餸之外,
全日屈係房度。

係呢個時候,
有少少慶幸自己係半個阿宅,
可以對住個電腦一日都唔悶。
如果換著其他人,
一定悶死左,
又或者要出街行下 = 破財

ANYWAY,
無無聊聊上高登,
見到一個POST,
入面o既連環圖幾有意思,
UPLOAD上黎同大家分享一下~

CHANGE

間店生意唔好, 要改變,
小弟唔介意,
但個問題係,
改成點都冇人知, 就已經開始左變......