小提琴

本來打算利用今日下午嗰個break,
去大阪造幣局睇櫻花的,
不過天文台話今日下午開始會落雨,
所以打消左念頭,
留番係宿舍。

不過塞翁失馬,
係番房經過common room o既時候,
聽到啲好難聽o既小提琴聲,
裝下common room入面,
原來有個女仔拉緊小提琴。



小弟平時好少主動同陌生人傾偈的,
(會俾拐子佬拐左去......)
不過黎左日本差唔多半年,
實在太懷念小提琴喇,
於是鼓起勇氣,
同個女仔講:
「我可唔可以......
                              ......借妳個小提琴拉下」


原來佢係十年前係學校係咁依學過下,
只係學到鈴木教本第二冊。



講番自己。
實在係太耐冇拉過小提琴喇,
拉之前仲以為拉左咁多年,
唔會唔記得點拉。

未至於唔記得點拉o既,
不過太耐冇拉真係會生锈的......

如果唔係今日拉下,
都真係好難想像一年後會點=.=