補償?

今日上午嗰更, 由小弟+大老闆+新人三個掌櫃。
十二點半, 黎左四條友, 係熟客,
不過小弟不太喜歡呢四條友,
一來扮晒熟咁講三講四,
二來坐勁耐都唔走,
三來又唔係食得多野, 係咁隊啤酒=.=

呢四條友平時只係會晚上黎,
所以對於第二點, 小弟都冇乜所謂,
但今次係日頭......
見到佢地四個嗰刻已經有不祥o既感覺......



果然,
坐到兩點收舖都唔走=.=
大老闆當然攞正牌走人啦,
而新人因為係part-time,
冇理由留佢, 所以都放佢走,
於是得番小弟一個睇住佢地四條友飲啤酒吹水......

結果係搞到三點半先肯走......

算, 當小弟唔好彩,
番番房都仲有個零鐘時間瞓。



晚上,
大老闆同幾個fd黎食野,
唔知點解特然諗走下午嗰四兜友,
於是問小弟嗰四兜友搞到幾點先走。
「三點半」

大老闆都呆左,
然後話「俾著我就趕佢地走」
(我先唔信呀=.=)

加上晚上唔係好多客,
大老闆就話
「今晚十二點半收工啦」(平時係兩點)
然後揚長而去(時間為十二點)。



即刻開始洗野預備十二點半收舖啦仲等咩!!!