CHANGE

間店生意唔好, 要改變,
小弟唔介意,
但個問題係,
改成點都冇人知, 就已經開始左變......





人物介紹

大老闆:
四十幾歲呀叔
其實唔係老闆, 冇出錢落間舖,
(所以其實唔應該叫佢做老闆)
但有關間店o既營運、菜單,
好似全部都係佢話晒事咁。
對食物好講究同嚴緊,
但對小弟好好,
唔會俾小弟辛苦。

細老闆:
間拉麵店o既莊家,
(所以佢先係真正o既老闆)
不過乜都聽晒大老闆講。
對間舖認識不多,
連自己間舖個電話號碼都唔知......
除左計住條數之外,
冇野佢係知o既。



事情係咁的。
臨近三月尾都聽到話四月開始營運模式會改變,
ANYWAY, 好在小弟冇車牌,
所以繼續留守而家呢間舖,
唔洗走黎走去,
不過邊個同我當值,
竟然到左31日, 細老闆都仲可以話唔知......

結果今朝一早,
係大老闆同佢老婆黎當值。
不過一黎就換過晒啲菜單。
主要o既拉麵冇乜點變,
主要係啲炒飯款色多左呀,
又多左啲飯團呀咁。
同埋啲價錢又平左少少。

個問題係,
小弟連啲新炒飯點炒都未知=.=

ANYWAY,
因為大老闆係度,
日間嗰三個鐘總算冇事咁過左。

另一個問題又出現,
晚上邊個當值?
都係冇人可以好肯定咁答到。
結果係久遺了o既加藤,
日間番完另一間點,
由進藤送佢過黎,
然後進藤再番番過去開舖......

點解可以有啲咁冇成本效益o既事情......


然後,
日頭o既時間,
大老闆話今晚開到凌晨三點,
小弟只需好似之前咁番到十一點,
然後大老闆會黎接替小弟。

但到左十二點都冇影,
打電話問細老闆,
佢仍然係唔知點好.......

大佬,
間舖唔係你架咩=.=
得兩間舖加埋得六個員工,
邊個番邊邊都唔知?

結果大老闆一點鐘先出現,
而小弟一收到旨意話走得,
仲唔閃人!?
可憐o既加藤,
仍然要等進藤嗰邊收左舖,
先過到黎接佢......

究竟其實而家邊個番邊更?番到幾點?