與日本人無所事事

今日係拉麵店o既補假,
本身打算係房hea下算o既,
反正因為近排比較多事情,
積埋好多動畫未睇。

不過係mixi(日本社交網)
有個人好盛意拳拳咁邀請我到佢住嗰頭,
盛情難卻, 加上識多個人都係好事,
於是今日就去左嗰個人住o既地方: 京都o既桃山。



對方係同小弟同年齡o既日本男性,
(如果係女性就好喇......)
暫時叫佢做TN啦。
按對方指示,搭地鐵轉京阪鐵路,
去到中書島站會合。
全靠TN, 小弟又知道多一個平價去京都o既方法,
如果係地鐵轉JR要過1000yen,
搭地鐵轉阪急大概900yen,
而今次地鐵轉京阪只需650yen!!!

其實今日唔知去佢道做咩,
只係跟住佢行。
先經過超市買飯盒,
然後上佢屋企食。



第一次真正入日本人o既屋企,
仲要係一個人住嗰隻。
房o既形狀係「凸」字形,
「凸」字上面係入口,
「凸」字凸出黎o既係走廊, 廚房係路旁左邊。
穿過走走廊就係一間好普通o既房(食野、瞓覺),
廁所係「凸」字o既左上方空間啦。

好有生活感o既房間=.=
亂七八糟 + 塞到滿滿......

到左佢屋企冇耐,
再有一個人加入,
唔知佢叫咩名,
但好健談, 好似細個係香港住過幾年,
不過唔識廣東話。

其實真係冇野做,
食完野, 都係傾下計咁。
後來話題移到去佢個雪櫃。



TN o既雪櫃面貼左好多磁貼
(浮雕陶瓷嗰隻),
全部都係佢旅行o既時候係景點買。
佢真係去過好多地方:
札幌、函館、青森、飛驒、彥根、
東京、熊野、名古屋、奈良、
大阪、鳥取等等

小弟以前經過呢啲景點,
係絕對唔會買啲咁o既磁貼,
因為冇用之餘又阻地方。
但見到TN個雪櫃貼滿晒磁貼,
就有少少後悔。
完來儲起黎係咁壯觀,
同埋去過邊度, 一目了然。
搞到小弟心郁郁都想學佢咁儲添.......

原來佢地兩個都係鐘意旅行o既人,
TN仲有一本教人點活用「青春十八車票」o既書,
(遲下介紹咩係「青春十八車票」),
打開本書,
入面全部吸滿晒車站o既印仔......
佢真係去左勁多地方......

雖然係佢屋企無所事事,
不過交談中都得到好多旅行o既資訊,
都叫有收獲o既。

hea 到四點左右,
一齊出外面hea。
好漫無目的咁,
行左上桃山城公園,
係明治天皇陵前面嗰條大斜石階坐低,
又再hea過。

原來漫畫嗰啲,
幾個男仔無所事事,
坐係公園、神社前o既石階吹水,
係真係存在的......



五點幾再移動,
去到藤森神社。
因為五月五日係日本兒童節(男),
藤森神社今日開始就已經有祭典。
其實所謂o既祭典,
只係神社前面有好多街邊檔,
小弟已經習以為常。

又係神社坐低吹水.......

真係咁多水吹??



見佢地好漫無目的,
又不停咁吹水,
唔知幾時先完。
小弟唯有話約左人八點係大阪食飯,
借機閃人。