派傳單

因為大老闆印左成萬張A4彩色傳單張,
上星期都只不過係派左二千張,
所以應該仲有排派......

大老闆同大老闆娘,
而家都係晚上十一點左右到舖頭,
舖頭由佢地接管,
然後我同尾原就出去派傳單。



今晚又每人拎住四五百張去派。
十一點半左右踩單車出發。
因為小弟知道附近有「団地」,
(即類似屋邨咁上下)
每一幢都成百戶,
密集式係咁入信箱, 減省左好多travelling o既時間,
所以唔洗半個鐘就派晒。

咁快番番去好似唔係咁好咁......
何況隨時會再叫小弟派多轉,
所以十二點左右番到房吞POP。
食個飯團, 上下網咁,
十二點三左由先番番舖頭,
點知......



點知仲俾大老闆話我派得快,
問我係咪吞POP......
後半句就啱o既=.=



OK, 明白, 下次小弟會再吞耐啲POP......



其實派傳單一啲都唔辛苦,
起碼有得踩住單車兜兜風,
好過困係店入面發霉。

仲有成七千張傳單,
睇個勢應該仲要派埋呢個星期。