報名上山

呢排「高野山」篇野分開咁多次寫,
一來因為工時長, 私人時間少啦,
二來因為呢兩日中午都有野做,
就係去附近o既旅行社喇。

去得旅行社就梗係報名參加旅行團啦,
唔通去睇戲咩。

報o既團係富士山登山。




「點解唔自己去呀」
大佬, 登上3776米o既高山喎,
仲要係外國o既山,
萬一有咩事真係唔知點算。


「點解唔搵朋友一齊去呀」
有搵過, 但嗰兩條友都夾唔到小弟o既時間,
加上PLAN上山都幾麻煩,
所以都係報團。

跟團有專業登山導遊,
又安排埋車馬、食宿,
何樂而不為。



有兩個PLAN,
一個係兩日一夜,
只係登山,
睇個日山就回程,
約16000yen。
另一個PLAN係三日兩夜,
登山睇日出,
然後圍住山頂火山口行一個圈,
第二日再上多次山頂睇日出先走,
價錢為32000yen。



小弟揀左第二個PLAN。
「搞乜鬼睇兩次日出呀」



其實係咁,
旅遊單張寫住,
「有時會因為人多上唔到山頂, 旅行社唔負責」
「有時會因為天氣差上唔到山頂, 旅行社唔負責」
「有時會因為天氣差而睇唔到日出, 旅行社唔負責」

用得WORKING HOLIDAY VISA黎日本, 俾得錢登山,
唔想因為呢啲不穩定因素上唔到山睇唔到日出,
所以情願貴少少都好, 買多個機會。
加上兩日一夜個PLAN睇落好似幾緊密下,
俾得錢跟團旅行就緊係想旅行得盡興啲架啦。



30/7登山!!!!!!