雜談

雜談1: 31號

以前從來都冇咁留意過邊個月大邊個月小,
但呢份工實在係太過令人討厭同埋時間長,
令小弟不得不數住日子過。
一個月30日都還好。
但一到左31號,
感覺總係好似番多左日蝕左俾佢咁,
齊頭十進制咪幾好,
搞乜鬼好似凹章咁要整多一日啫!?





雜談2: 試食

今日中午兩點完左,
大老闆同醬油工司o既人黎研發新拉麵,
搞左成粒幾鐘=.=
頂...



雜談3: 嗌悶

尾原呢位廿歲左右o既後輩,
黎左一個月左右,
工作上冇乜野o既,
始終多個人幫手,
食材準備上分擔左, 小弟會舒服啲。
個問題係,
條友成日嗌悶呻熱喊眼瞓......

呢個小弟都理解,
小弟又何嘗唔係呢。
但唔洗十五分鐘警報一次呀馬......
本來時間唔長o既都俾你嗌到長啦......
聽到人都煩埋......