自由

番埋今日最後一日,
終於自由喇!!!
終於脫離呢個監獄般o既拉麵店喇!!!
總於開始小弟精彩(?)o既旅行喇!!!!

今日早上照常番店,
一直保持住平靜o既心情,
盡量留番放工嗰一刻享受。

悠閒的一天

今日放假,
訓到十二點先起身。
(因為慣左三點先訓=.=)

起身用左一陣電腦,
然後去買今日兩餐o既食材。

下午係房打機(AOC),
然後晚上食完野,
又再上網咁,
hea下hea下又一日。

點解唔去旅行?

番埋聽日都唔洗番咯,
之後慢慢旅行唔好!?

YO!
所以~
聽日最後一日番工。

不過今日LY先生道出左小弟心裏面一個隱憂......

Animelo Summer Live 2012 購票 之 「一係唔發市」

自從24/6買唔到Animelo Summer Live (ASL) o既門票,
呢幾日都不斷為撲飛o既事而忙。
亦因為咁, 迫虎跳牆之下,
小弟做左好多本來冇乜機會做o既事。

最後三日

仲有三日六月就完喇!!!
而實際上番多兩日(28/6, 30/6) 就唔洗再番工喇!!!!
YES!!!



今晚為左ASL o既門券而繁忙中,
所以冇乜時間寫BLOG,
請見諒~

雜談

雜談第一則------狸(TANUKI)

係日本, 形容啲人老奸巨滑, 會叫佢做「狸」(TANUKI),
即係中文稱為「貉」o既動物。

點解會講起「老奸巨滑」?

今日聽到拉麵店後輩山本頗高興地講起,
(山本、尾原、浜地都係朋友, 上兩個月先入黎做)
話大老闆賣間舖俾佢地,
七月開始成間舖佢地自己打理, 話晒事。
仲叫小弟估下佢地用幾多錢買間舖......

仲有五日

完左今日, 仲有五日六月就完喇,
脫離呢間爛鬼拉麵店喇!!!
話就話五日, 不過因為星期五放假,
所以實際上只要番多四日工就完喇!!!!!

其實今日諗唔到寫乜好,
所以求其搵啲野寫,
唔好意思。

有關ASL買飛,
而家仲搵緊方法,
有新消息第一時間報道.......

Animelo Summer Live 2012購票 (正傳)

今日早上十點正正式售票。
得H小姐指教,
早左十至十五分鐘到去LAWSON o既售票機,
先霸住部售票機,
準備一夠鐘就即刻購票。

小弟已經係個鐘一跳到10:00就即刻click入去架喇,
點知部機話線路繁忙中, 叫小弟再試過。
好啦, 再試過啦......
「售罄」............

%^&*()@&#*^($@)@*#

有冇咁快手呀=.=

超唔開心

注定小弟25/8冇得入場!?  OTZ

Animelo Summer Live 2012 購票 (前傳)

唔知咩係animelo summer live (ASL) o既朋友,
請先瀏覽一下17/6篇BLOG先。
http://japsleevefish.blogspot.hk/2012/06/animelo-summer-live-2012.html

其實閃過 去睇ASL念頭嗰一晚,
同某位網絡上識o既大姐(H小姐)傾過吓。
最初係係日本社交網mixi上認識,
都唔記得係佢ADD小弟定係the vice versa喇。
大家通訊都唔係通過好多次,
只係知道H小姐係香港人,
係水樹奈奈忠實FANS,
日文超流利。

本來只係打算同H小姐閒談,
問下佢有冇去過ASL, 知唔知係咩情況。
點知傾傾下, H小姐話俾小弟知,
佢有日本friend可能有飛,
話幫小弟問下, 過一兩日答覆。

矢田寺(紫陽花) + 平城宮跡

仲諗住今日就算唔大雨都會小雨,
所以都帶備雨傘出街,
點知由出門口到番番房,
一直都冇落過雨=.=

今日o既目的地係奈良o既「紫陽花寺」--- 矢田寺。
「紫陽花寺」只係一個概稱,
指o既係出名紫陽花o既寺廟。
日本全國有四十幾間紫陽花寺,
而矢田寺只係近畿地區十間o既其中一間。

有關紫陽花,
之前「長居公園植物園」篇BLOG已經有簡單介紹,
係呢度唔再重複。
(http://japsleevefish.blogspot.hk/2012/06/blog-post_13.html)

不過講多少少,
因為紫陽花盛開o既時候,
正正係日本梅雨, 天氣多雨潮濕o既期間,
係以前醫學未發達o既時候,
呢個季節比較多人病發而死,
所以有唔少寺廟會種植紫陽花以供奉死者,
而其中紫陽花又多又靚o既寺廟,
就成為而家統稱為o既紫陽花寺。

今日小弟去o既矢田寺,
位住奈良縣大和郡山市,
寺內種有紫陽花約一萬株,
基本上一到左梅雨時期,
關西o既旅遊雜誌都會有介紹。

八點半起身,
搭地鐵到谷町九丁目,
行五分鐘到上本町轉搭近鐵, 近鐵郡山駅落車。
基本上近鐵站內都有好多廣告講矢水寺,
所以都唔洗怕唔知邊個站落車。
出左車站又有指示去邊度轉搭巴士。

搭宗良交通20號系統, 總站就係矢田寺,
而且到左開花季節仲會加密班次,
都唔洗怕去唔成。

雖然今日係星期五,
加上又係大雨過後, 天氣唔多好,
但全車滿座=.=
睇黎真係好出名。

十五分鐘就到總站,
天陰陰, 不過唔係落雨已經好好。

溫帶低氣壓

之前提過o既颱風5號,
(http://japsleevefish.blogspot.hk/2012/06/blog-post_19.html)
本身預計係今晚至聽日上午吹到黎日本,
但好似途中轉左向之餘,
風力仲減弱左,
自動化解成溫帶低氣壓。

除左為日本帶黎大雨之外,
好似冇乜其他影響。
不過睇新聞報告,
奈良、和歌山嗰邊好似落緊狗屎......

ANYWAY,
如果聽日唔係太大兩,
小弟仍會照舊出擊,
去奈良睇花花~~~!!!

番工時間

前因請參閱14/6 o既BLOG
http://japsleevefish.blogspot.hk/2012/06/blog-post_14.html

新o既番工時間,
唔覺唔覺就已經過到左第五日,
(其實都幾覺=.=)
番埋聽日就迎來一日假期。

1100到拉麵店作開店準備,
然後一直番到晚上2300,
足足十二個鐘。,

除左中午1200-1400真係有少少野做之外,
其餘o既時間都係等、等、同埋等......

不過好就好在晚上可以一覺瞓,
唔洗好似以前咁晚上瞓六個鐘,
中午再瞓一個鐘......

反正1400-1800基本上都冇人黎食拉麵,
小弟當嗰段時間係休息......



ANYWAY,
番多十日就完喇!!!

颱風

今日迎來小弟係日本第一個颱風。

雖然香港o既颱風命名已經俾人話冇氣質架喇,
但日本o既颱風命名比香港還要簡單,
由每年第一個颱風計起,
叫 颱風一號、二號, 如此類推......
而今次o既颱風係四號。

20種男人，女人打死都唔好嫁！

前排係YAHOO睇到以下o既一篇野,
都幾得意, 所以轉載左上黎:

Animelo Summer Live 2012

今日話題比較毒,
睇唔明o既唔好勉強。

今日上YOUTUBE hea下hea下o既時候,
睇番啲動畫歌手o既短片,
提醒左小弟, 夏天有animelo summer live (ASL)。

日本人眼中的香港(人)

黎左日本都半年有多,
同過好多日本人傾偈,
包括同事、拉麵店o既客、
附近o既店o既人等等。

剔除一啲太過有見識,
又或者係太過冇見識o既兩頭極端意見
普遍黎講, 日本人眼中o既香港(人)如下:

無啦啦一日假

前因請睇番琴日嗰篇BLOG


ANYWAY, 無啦啦琴晚先黎話今日放假,
想出遠門都PLAN唔切啦。
何況無啦啦叫第二間店嗰個後生仔 山本 黎開舖,
人地唔知頭唔知路, 連啲葱放邊都唔知,
於是唯有早上十一點半,
先教山本開舖o既準備工作。

鑊鑊新奇鑊鑊甘 之 年中無休

琴日晚上臨開店前,
大老闆黎左, 同尾原、浜地兩個傾左好耐。
內容大概係話,
間店由15/6開始, 開12:00-29:00(凌晨5點),
不過番工時間由我地自己分配。

好啦,
咁大老闆走左之後,
我地三個就PLAN啦。

長居公園植物園

前日星期一去到長居公園植物園,
點知去到先知逢星期一休息。
反正來回都只不過係半個小時單車路程,
於是今日中午兩點收左工,
即刻踩單車過去復仇!!!

200yen入場費, 就定價黎講一啲都唔貴,
只係日本人一餐飯三分一價錢左右。
再入去行, 發覺200yen真係抵到爛,
唔好話有冇靚o既花花草草睇,
淨係佔地面積, 已經大到不其然咁諗,
200yen維唔維到本.......

入場有小冊子攞,
除左一般介紹之外,
公園仲預備左一份臨時印製,
介紹而家邊啲花開得靚、可以係公園邊度搵到等。
睇個日期, 似乎係幾日就會更新一次,
可見公園方面幾細心。

唔講咁多喇,
冇乜野好介紹,
睇相啦。

雜談

AKB48:

今晚生意同平時一樣(咁靜),
可以做o既野得嗰幾樣:
食材準備、睇書、睇電視、睇手機短片

咁啱望向電視,
有個藝員神神秘秘咁係度介紹啲唔知咩。
原來今晚有個特備節目,
就係呃AKB48話「中繼」(錄影播放),
但實際上係「生放送」(現場直播)。

放假

本來難得放假,
而且又唔係落雨天(陰天),
應該去下旅行的。

最初諗住去京都,
不過諗諗下,
都就黎到七月,
到時唔洗番工,
可以一連幾日逗留係京都慢慢遊覽,
慳番啲車費,
結果都係留番係大阪。

就咁係房hea又好似好浪費咁,
於是去左十五分鐘單車路程o既長居公園。

而家做乜事

雖然身在日本,
但基本上小弟每日都會睇一睇YAHOO新聞啲頭條。

再早o既就唔多記得喇,
但係由中央為梁振鷹拉票,
到憎任權, 然後係許事人,
再加幾單國內民運人士事件, 例如「被自殺」......
(雖然一直都都唔少架喇)

雖然唔想講到咁盡,
亦都唔係太想咁樣講,
但不得不講一句:

抵外國人睇中國人唔起......

今日我仲可以係BLOG度咁樣大放獗詞,
但未來o既日子仲可唔可以咁做,
的確好令人擔憂......

青春18切符(續)

之前提過日本鐵路JR o既青春18切符,
(唔知頭唔知路o既同我睇番之前o既BLOG!
http://japsleevefish.blogspot.hk/2012/05/18.html)
因為遲遲未公報詳情,
以致小弟未能夠PLAN七月至九月o既行程。

琴日終於公報左喇!!!!
略略睇過下,
無論係時間定係條款,
都好似同以前冇乜分別,
不過詳情都係等遲吓得閒慢慢睇。

有興趣o既朋友可以參閱以下網址(只有日語, PDF檔)
http://www.jreast.co.jp/press/2012/20120605.pdf 
(註: 以上係2012年夏天o既檔案, 唔知看官click o既時候仲睇唔睇到)

梅雨

梅雨呢個term, 香港應該好少用到,
梅雨(TSUYU), 講o既係日本六月至七月間,
落雨多晴天o既天氣。

小弟睇新聞特輯,
冇理解錯的話,
「黎緊一星期o既天氣預報,
如果係連續七日落雨+陰天, 而冇晴天」的話,
氣象部門就會宣報進入梅雨。

同櫻花、紅葉一樣,
梅雨唔係話一黎, 就成個日本都係。
同櫻花一樣,
梅雨都係由日本南至北咁移動。

至於關西地區,
今日就宣報進入梅雨,
黎緊一個月o既時間,
都會係咁落雨,
不過唔會大, 只會係毛毛雨咁。

而梅雨過後,
就正式步入日本o既夏天。

想寫, 但冇野好寫

對唔住, 實在係搾唔出話題=.=

三個呀叔

琴晚冇三個呀叔黎食拉麵,
其中一個已經幫襯過一兩次,
所以知道小弟係中國人。

於是圍繞中國人o既話題就開始喇......

與其說係話題, 倒不如話係嗰三條友猛係度呻仲貼切。

回落

唔知點解啦下,
今日拉麵店o既生意回落,
全日得番唔夠廿個人。

ANYWAY, 唔關小弟事,
反正小弟仲有唔夠一個月就走人。



而家都開始PLAN七月o既計劃,
不過有個問題, 係青春18切符。
(遲啲會有詳細講解)

如果同往年一樣的話,
要20/7先用得, 24,25/7 係大阪天神祭,
30/7跟團上富士山。
但小弟如果想去九州的話,
最少要五至六日......
富士山個團有又其他日子揀,
中間又俾個天神祭卡死左......

度唔掂的話,
可能要犠牲個天神祭......

不過最重要都係睇下個青春18幾時用得......

六四

淨係個標題,
應該已經足夠令小弟個BLOG係內地o既搜尋器上消失。

那一年那一月那一日,
係中華文族黑暗o既一日,
係中華文化五千年中o既一個污點。

己經23個年頭,
但事情一日未得到平反,
維園o既燭光仍然會繼續發亮。

星期日

以前,
星期日係最開心o既一日,
因為聽日(星期一)放假之餘,
星期日只係番1130-1400 & 1800-2300,
但自從上星期開始星期日直踩12個鐘之後,
星期日變成最難捱o既一日......
(詳情請參閱上星期六o既BLOG)

雖說小弟o既抗悶能力已經進入化境,
但時間長仍然係一個不爭o既事實.......
事實上, 今日下午1330-1830一直都冇客入過黎......



話時話,
今日又有新人黎試番工,
係尾原o既朋友, 姓 浜地。
唉, 又多個杗犠牲者......

高野山後談

講番啱啱嗰個星期一去高野,
買左高野山o既名產「芝麻豆腐」。
因為小弟只係想試下咩料,
於是揀左最平o既600yen兩舊黎試,
(其他由350-600yen一舊都有)

最後倒數!

終於進入6月喇,
距離離開呢份工仲有30日!!!

只係擔心呢個月又唔知會有啲咩新奇事啫......