無啦啦一日假

前因請睇番琴日嗰篇BLOG


ANYWAY, 無啦啦琴晚先黎話今日放假,
想出遠門都PLAN唔切啦。
何況無啦啦叫第二間店嗰個後生仔 山本 黎開舖,
人地唔知頭唔知路, 連啲葱放邊都唔知,
於是唯有早上十一點半,
先教山本開舖o既準備工作。



小弟當然唔會就咁就走,
先叫山本, 同埋part-time嗰個小妹妹鎌田,
整番個拉麵炒飯定食俾小弟食。
一來唔洗錢食番佢一餐都好,
二來睇下佢地兩個工作如何。

食完臨走o既時候,
平時冇乜客o既店,
特然間一下子黎左三group加埋10個客......
仁慈o既小弟唔忍心佢地忙到手忙腳亂,
於是幫佢地應付埋呢10個客先走,
時間已經係下午一點鐘。



本身真係想踩單車去吓附近逛,
但睇地圖, 附近又冇咩好行,
二來個天陰陰好似想落雨咁,
三來......唔知點解唔係好想郁,
結果都係係房hea......



七點幾o既時候,
走去AEON o既書店打書釘,
睇下買邊本。
想買o既都係旅行o既書啦,
為左七、八月旅行PLAN行程而揀。

睇睇下書o既途中,
無啦啦收到細老闆o既電話。
佢話佢黎左拉麵店附近o既食肆,
叫小弟過去。



事源係條友一直都未俾三月份o既人工小弟,
小弟催左佢幾次,
由30/4到10/5到20/5到31/5到6/6, 再到今日15/6。
小弟上次用說話迫佢, 問佢15/6係咪真, 唔好似次上四次咁放飛機。
琴晚仲要發左個短訊提佢今日出糧,
於是條友今日終於黎出糧XD

地點係小弟打工o既拉麵店, 附近o既一間拉麵店「金拉麵」。
我地成店人都同 「金拉麵」嗰個 大前 先生好熟,
大前都間唔中黎小弟間拉麵店食野。

仲諗住拎左人工就閃人啦,
點知個細老闆要小弟陪佢飲......
擺明個款係唔想同佢飲架喇,
俾面佢飲左兩杯之後自己斟茶飲。



一來可能佢都覺同小弟飲酒悶,
二來可能佢公司有事,
佢叫小弟嗌個飯食, 俾抵人工同飯錢就走左。

啱晒,
小弟都唔想係度磨咁耐。



食完嗱嗱聲走人。
仲有時間,
再去AEON買書同埋買滑鼠。
因為小弟隻滑鼠死左......

無錯, 係滑鼠死左,
小弟都係第一次聽......
冇跌過冇剩, 用用下電腦話recognize唔到,
restart、control panel、system manger等一切方法都唔掂......

P.S. 小弟死左嗰隻係eagletec o既滑鼠,
用左四年左右, 平時冇話跌呀、拍呀咁。



呀~~~~聽日開始就要過住每日直踩12個鐘o既上班時間......