三個呀叔

琴晚冇三個呀叔黎食拉麵,
其中一個已經幫襯過一兩次,
所以知道小弟係中國人。

於是圍繞中國人o既話題就開始喇......

與其說係話題, 倒不如話係嗰三條友猛係度呻仲貼切。





小弟唔知佢地有咩童年o既PTSD啦,
半個小時, 不斷係度話
1) 中國係全世界最恐怖o既國家,
2) 中國人係全世界最唔信得過o既人種
3) 中國到左而家, GDP先追到日本, 但人口係日本o既十倍
4) 中國地方咁大仲要侵略其他國家 (之前係邊個侵略邊個=.=)
5) 中國借日本錢走去派俾非洲等國家

雖然有少部份內容小弟認同,
但頂你講一句就夠啦, 洗唔洗講足成半個鐘.......
仲要好明顯當中有好大部份o既內容,
應該係受日本國內傳媒誤導而得出o既結論,
仲要講到自己好似乜都知, 小弟講乜都唔正確......
講消息封鎖, 你地日本核幅射咪又係咁......

又話天安門死左成百幾萬人你地香港人唔知,
小弟唔敢話自己得到o既消息一定正確,
但有冇成百萬人呀=.=

總之, 雖然小弟都對中國現狀有多少意見,
但講到底自己都係中國人,
俾人係前面係咁講, 唔多唔少都有啲火。

雖然唔多唔少因為政治、經濟因素,
以致日本國民對中國o既認識有所偏差,
但空穴來風未必無因,
中國人啊, 中國政府啊,
係咪應該都要對自己有所檢討~