半年大事回顧

話晒都黎左日本七個月左右,
而且打工o既事已告一段落,
就容許小弟係呢度回顧番打工o既日子啦。

諗番起一開始12月o既時候,
搵左成個月都搵唔到工,
嗰種焦慮同徬徨, 真係...........

........已經唔記得晒=.=



27/12第一日番工。
知道有工做嗰下係好開心,
不過唔知頭唔知路,
連番幾多日, 一日番幾多個鐘都唔知就開工,
只可以話當時o既自己太笨柒。
不過冇計, 嗰時實在太需要工作,
冇得再話講三講四。



工作開始時都OK的,
工時雖然係一日十個鐘,
不過冇乜野做, 所以都輕鬆。
只係得閒得濟有啲悶。


因為咁,
所以一月頭, 店長進藤邀小弟轉做全職時,
稍稍諗左一諗就應承左。
呢個時候, 小弟仲未知自己已經步入左地獄.......

二月, 新店開張, 進藤要去新店,
於是特然間要係好短時間內學晒啲野,
加上當時進藤佢地都好燥底,
所以係咁俾人鬧.......
去到一個地步真係想辭工唔做。

ANYWAY, 後來, 店o既野總算叫識晒,
不過因為新店開左唔夠人手,
結果一星期一日o既休假,
去到二月, 成個月先得兩日......

一直都好唔据架喇,
不過都算啦, 忍。

然後到左三月。
明明話十二月糧一月底出,
一月糧二月底出。
十二月糧遲左幾日出都已經覺唔妥,
加上去到二月底, 老本已經乾塘,
唔出糧真係冇錢交租。

已經千吩咐萬吩咐要準時收到糧,
結果二月底都係冇。
火都黎埋, 加上真係冇錢, 發窮惡,
1/3嗰晚直頭唔換衫坐係店等細老闆黎,
然後同佢講辭工唔做。

小弟咁激進都係第一次。

最後講完一輪數之後,
小弟叫首先拎到少少首期,
叫信住佢先, 故且同佢再做一排。
同埋小弟都真唔想又要由頭搵過份工。


除左遲出糧之外,
三月都好好地。


不過可能細老闆經營不善啦,
生意每況愈下, 所以大老闆出手。

一黎就係話間店要由1100開到2700......
(中間四個鐘休息:1400-1800)
都痴線架, 每人每日做十幾個鐘,
仲要晚上得五六個鐘瞓......

個時真係覺得啲日本人好變態,
同埋覺得間店好有問題。
不過後來各員工又軟又硬,
叫做爭取到晚上收點半左右。



越做真係越黎越唔想做,
不過當初又真係搵左好耐工都搵唔到工,
而且最大問題係遲出糧!!!!!!!
如果謬謬然遲工, 隨時楂都冇得淨,
簡單啲講可以叫做俾人「楂頸就命」=.=



係日本呢半年打工, 可以用以下詞語作結:
時間長、變態、悶、追糧、士氣低落

因為假期唔係多, 而且冇得揀,
所以都miss左若干o既節日。
不過四月頭膽粗粗請假去睇櫻花,
大老闆又應承喎。
總算叫做最緊要嗰件事冇甩碌。



WORKING HOLIDAY

WORKING 完左,
係時候HOLIDAY喇!!!!!!

所以今日除執房、執行里之外,
就係PLAN七月o既旅行。

而家主要PLAN緊七月18號左右去九洲。
不過PLAN到頭都爆。

因為種種原因,
小弟只可以用巴士移動。
但啲線路又少、班次又疏,
仲要夾埋啲景點o既時間,
真係仲難過做中學啲PROJECT。

小弟自問處理、整合資訊o既能力唔差,
但對住啲路線圖同時間表,
實在搞一大輪都搞唔到一個LOGICAL o既行程=.=

唯有聽日再續......