琴晚係網吧訂嗰個plan係六個小時,
2343check in, 0230瞓,
0530就要起身預備check out。
點知個職員而家先黎洗廁所=.=
於是先check out先,
然後到JR鹿兒島中央駅前o既廁所刷牙洗面=.=
時間都只不過係0600......
頂佢個肺落雨........
唔係話好大,
但耽住落......
唔理啦, 照計劃到碼頭坐船到櫻島。
櫻島係鹿兒島縣o既一個火山島,
上面住左五千人。
基本上成個島就係一個火山,
而呢個火山仲係活架添......
計過數, 買一個叫 CUTE o既pass有so,
1000yen一日內任搭鹿兒島市營交通。
(路面電車、櫻島輪船、市營巴士、櫻島觀光巴士、鹿兒島觀光巴士等)
而輪船碼頭就係其中一個銷售點。
琴晚因為到達鹿兒島時已經好夜,
JR嗰邊啲旅客中心已經收晒皮,
加上見櫻島輪船廿四小時都有航班,
售票處冇理由唔開掛。
於是打算今日一早去買啦。
點知佢就係唔開, 吹咩=.=
0730~1900營業......
為左慳錢,
唯有等到0730先買票上船,
結果打亂晒今日o既行程。
一上船就已經見到櫻島。
(其實係岸邊都見到=.=)
雖然雨叫做停左,
不過仲係好多雲T_T
架輪船都幾豪華下,
一共有四層,
下面兩層係載車,
第三四層係載人。
第三層有冷氣,
而且環境舒適,
仲有小賣部可以買野食!
而第四層係開放式o既設計,
啱晒鐘意影相o既朋友。
再望番出櫻島,
驀然見到山頂有啲灰色野。
無錯, 係出緊煙。
同阿蘇唔同, 阿蘇雖然都係活火山,
但已經封左頂, 所以頂多都係出水氣。
但櫻島仲係噴緊煙!!!!!!
廿分鐘左右就到櫻島,
距離巴士開出仲有少少時間,
所以先去月讀神社影下相。
月讀神社o既神籤係鴿子o既造型。
其實個神社冇咩特別。
不過有個瞭望臺可以遠眺火山口,
但呢個瞭望臺比起其他嗰啲,
其實位置、景觀都唔係話太好。
黎到櫻島,
好自然會留意到一樣野,
就係成地都黑漆漆。
無錯, 全部都係火山灰......
陣間會多啲誇張啲o既。
下一站係黑神鳥居。
其實去黑神鳥居係超隔涉&巴士勁疏!!!
不過小弟唔知發咩神經,
明知駁車要等勁耐, 都仍然上巴士......
自己都唔知點解。
上左0830 o既巴士去東白浜,
再轉車去黑神。
不過下一班車要0950......
而且就算去到黑神,
兩個小時內都唔會有車番轉頭......
真係唔知自己點解明知都仲上車......
港口係櫻島o既西面,
東白浜係北面,
黑神島居係東面。
去到東白浜都只係0855,
仲有成粒鐘先有車......
呢個時候, 頭先架巴士個車長同小弟講:
反正都係等, 不過一邊行一邊等,
差唔多時間就係巴士站等車。
小弟今日o既鬼蓋眼之二,
唔知點解會聽佢講真係向黑神方向行......
櫻島一圈39公里, 步行一圈約9 個小時,
由白浜去黑神為四分一個圈,
即係兩個幾小時......
不過小弟又唔係真係想行到去黑神o既。
但問題係,
行左廿分鐘都唔見第一個巴士站@﹏@
巴士叔叔你有冇坤人架......
天氣又熱, 因為落完雨所以都好潮濕,
又上落斜, 勁辛苦......
幸好, 行到半路,
有一個嬸嬸渣車經過,
問小弟去邊, 仲好主動咁話載小弟去!!!!!!
太好了,
結果唔坐佢私家車都坐左差唔多十分鐘先到黑神,
你話行路仲得了o既......
萬分感激!
到左黑神中學,
而個鳥居就係學校兩個校舍中間夾住。
點解要睇黑神鳥居?
講真其實冇乜野好睇,
講緊o既係日本大正年間(1941年),
一次o既櫻島火山大爆發,
溶岩流向櫻島o既東面,
甚至將櫻島同大陸連埋一齊。
(而家櫻島東南面嗰個位)
而個鳥居就係受災建築之一。
可以見到個鳥枯淨番個頂。
本來初初話挖番出黎,
不過當時o既村長叫停,
話留番俾後代睇下大自然o既威力,
結果就成為一個景點喇。
由黑神埋沒鳥居
再行前少少(300m左右)又有一個展望臺,
不過啲雲比今朝仲大=.=
唔係啲白線甩油,
而係啲火山灰遮晒=.=
又要車駁車, 班次又疏,
鳥居距離其他景點又遠,
所以如果唔係自駕遊o既朋友,
免得過唔好去.....
預左要等番個零鐘車番番港口(西)嗰邊架喇.......
咁啱鳥居對面有間店仔,
(可能平時做中學生生意)
有個阿叔洗緊店前面o既火山灰,
於是搭下訕咁啦。
傾傾下,
個呀叔話載我去觀光!!!
受寵若驚!!!!!!
於是阿叔放低手上o既水喉,
特登開車載小弟向櫻島南面進發。
櫻島啲人真係超好人!!!!!!
南面有好幾個景點,
不過出名o既唔多,
而且又比較分散,
巴士又唔多,
所以小弟一開始冇打算去。
而家呀叔卻載小弟去!!!!!!
太好了。
途中仲不斷介紹呢個山口係幾時爆出黎,
嗰邊啲溶岩係幾時流出黎呀咁。
完完全全導遊mode
最主要帶小弟黎有村溶岩展望所,
除左可以遠眺火山之外,
附近一帶全部都係火山岩做成, 怪石嶙峋o既地貌,
都幾有睇頭。
可惜最重要o既火山,
都仲係俾啲雲遮住......
係呢度同呀叔分手,
搭巴士去番西面港口一帶,
係訪客中心落車。
與其話係訪客中心,
倒不如話係櫻島火山資料館,
不過同阿蘇唔同o既係,
唔洗錢!!!!!!
而係差唔多候到站o既觀光巴士。
呢架觀光巴士由港口開出,
周遊西面一帶o既境點。
而當中最值得睇o既,
就係湯之平展望所。
因為呢個展望所係咁多個裏面最近
(火山o既40%高度)
亦因為地處較高位置,
行路上去係會死人的,
所以唔搭觀光巴士係去唔到的。
啲雲仍然阻X住晒......
入面裝住o既係櫻島o既火山灰。
番番落港口,
本來打算搭船番上鹿兒島市中心,
不過突然間落雨......
一來為避雨,
二來頭先行去黑神時行到身水身汗,
三來琴晚瞓網吧冇得沖涼,
於是襯呢個機會,
去櫻島magma溫泉沖涼兼浸溫泉。
搭船出番鹿兒島市中心。
而家啲雲先黎散,
遲唔遲啲......
仲有一個地方睇櫻島火山都好好,
就係城山公園o既展望所。
你話鹿兒島淨係得火山好睇架咋咩?
其實唔係o既,
作為當年薩摩藩o既據點,
鹿兒島都仲有好多歷史景點,
不過對日本史冇興趣o既人, 的確唔太吸引。
仲有一個叫巖仙園o既日本亭園都好出名的。
本身小弟都打算去,
不過入場費先成1000yen $﹏$
三大亭園o既兼六園都冇收咁貴......
再大加上今日o既行程已經大幅落後,
於是決定唔去, 撤退離開鹿兒島,
向宮崎進發。
臨入車站,
先發現而家個火山口先現形......
順帶一提,
今日鹿兒島都有個祇園祭,
不過屆時小弟已經到達宮崎lu......
搭左三個鐘JR到達宮崎。
今晚住o既酒店比較高級,
不過只係2950yen就搞掂。
好似話係因為主力柱o既原因,
呢間房個形狀比較奇怪, 所以半價。
小弟唔理啦,
有得瞓就OK~
望出窗外面,
好耐未試過望到其他屋o既屋頂!
沒有留言:
張貼留言