YAHOO BLOG いい加減にしろ！

(註:
寫呢篇野o既時候小弟係用緊yahoo blog的。
因為yahoo blog執笠, 所以先至用而家o既google blogger)

唔知做咩事,
由琴晚開始個yahoo blog就up唔到相,
又renew唔到......

搞左成日,
係咁僕住係個電腦前面,
一趁ok就即刻renew,
結果搞左成日都寫唔晒琴日江ノ島篇blog......

小田原城 + 江ノ島

難得黎到神奈川,
又點可以唔到小田原城、江ノ島、同埋鎌倉呢!!!
鎌倉同江ノ島, 兩年前去東京時,
有日本o既fd帶路, 所以已經行過,
不過當時去到江ノ島已經係夜晚,
所以除左夜景之外乜都睇唔到。
於是今次去小田原城之外,
順便去多次江ノ島補數。



晨早八點出門口,
搭巴士轉JR,
去到小田原已經係十點左右。

PLAN完

總算PLAN掂晒東北o既行程喇,
剩低o既只係book埋酒店就全部搞掂晒喇~

所以今日冇乜野好講,
早啲唞, 聽日去小田原同江ノ島旅行。

WWOOF計劃

World Wide Opportunities on Organic Farms,
簡稱WWOOF,
係一個世界性o既組織。
WWOOF Japan入面登錄左全日本好多有機農莊,
只要俾5500yen, 就有一年o既會籍,
可以向已登錄o既農莊報名,
到該農莊成為WWOOFer。

鷲宮神社

琴日篇BLOG都提過,
小弟去ASL之前去左鷲宮神社參觀,
今日就補番相關o既內容啦。

先講下點解小弟會想去鷲宮神社。
其實都係因為動漫=.=

嗰時為左睇一套叫《らき☆すた》o既動畫,
因為該動畫借用好多其他動畫o既題材(即係所謂o既"ネタ")
為左睇得明《らき☆すた》,
所以嗰時一下子啃左好多其他有名o既動晝,
可以話係小弟鐘意睇動漫o既開端。

而《らき☆すた》o既漫畫/動畫舞台主要係埼玉o既春日部市,
其中兩個角色(兩姊妹)o既設定, 係「鷹宮神社」o既巫女,
而鷹宮神社o既參考對象就係鷲宮神社喇。

因為《らき☆すた》呢套野異常地受歡迎,
所以鷲宮町更史無前例咁對兩姊妹「一家」發出「住民票」,
(類似身份証咁o既証明, 証明一家有咩人住係度)
而鷲宮神社亦都成為好多動漫迷參觀o既聖地之一。

小弟自2007睇《らき☆すた》以來,
都一直好想黎鷲宮神社睇下。
不過當然就咁淨係為左鷲宮神社黎又好無謂,
而埼玉本身又唔係多旅遊景點。
咁啱Animelo Summer Live係係埼玉開演,
於是順路黎睇一睇鷲宮神社。

不過就算唔係動漫o既聖地,
鷲宮神社本身都係一間頗有歷史o既神社,
甚至有傳鷲宮神社係關東最有歷史o既大社咁話。

Animelo Summer Live 2012 第二日

今日起身,
兩隻手勁酸痛,
由背肌到手腕到肌肉酸痛,
但仲有今晚......



琴日去唔成鷲宮神社,
今日再早少少出發。
1030就出門口。
不過唔想係同一個POST度撈埋 Animelo Summer Live (ASL) 一齊講,
所以留番聽日先講。

有關ASL, 呢度唔多講喇,
唔知咩事o既請參考番之前o既BLOG
介　紹: http://japsleevefish.blogspot.hk/2012/06/animelo-summer-live-2012.html
第一日: http://japsleevefish.blogspot.hk/2012/08/animelo-summer-live-2012.html



因為有琴日o既經驗,
所以時間可以再預好少少,
1530左右入場,
去埋個廁所,
唔洗等幾耐就1600, 開波!!!!!!

Animelo Summer Live 2012 第一日

除左上富士山同埋去Comic Market之外,
參加Animelo Summer Live (ASL) 係小弟今次黎日本最想做o既事!!!
(唔知咩係ASL o既可以參考番之前o既BLOG
 http://japsleevefish.blogspot.hk/2012/06/animelo-summer-live-2012.html)

琴日check完唔同牌子螢光棒o既spec,
出發到會場之前先到川崎駅o既TOKYOHANDS買。
買左一支KINGBLADE MAX (UO色) 同埋一支瞬色瞬光,
其實想買 KINGBLADE TEN, 不過該店冇出售......

俾錢之後走人。
臨走前諗起琴晚睇嗰個網頁,
話一定要check貨。

小弟平時係唔會做呢啲野,
不過唔知點解今次會突然記起,
又突然想check。
於是行埋一邊拆開黎試。

唔試由自可,
一試, 支瞬色瞬光 o既藍色係壞的!!!!!!
即刻拎去換。
真係好采屎忽痕走去拆開黎睇啫,
如果唔係去到先知就大損失!!!!!!



因為呢一番折騰,
本身今日去ASL之前去鷲宮神社的,
而家都去唔切......

唯有直接去會場喇。

不過錯有錯著,
咁啱有班車係由川崎直到さいたま新都心。
直搭到去さいたま新都心,("さいたま"即埼玉)
時間都只不過係1430左右(1600開場)。
不過車站已經有唔少人。

雜談

雜談1: 七夕

今日天氣報告講起,
先知今日係舊歷七月七。

正如天氣報導員所講,
今日o既牛郎織女星,
比西歷o既七月七高,
而且亦都冇咁易落雨,
不過日本仔係明治維新之後,
硬係啲將啲節日改晒去西歷之嘛。



雜談2: 晚飯

無事出街小破財

今日約左個以前日文班o既同學(K小姐)食飯。
K小姐比小弟早一年多黎到日本讀日文,
最初佢話佢係住東京附近,
所以一直都以為佢住東京。

但再問真啲,
先知完來佢都係住係川崎!!!
的確係係東京附近o既=.=

於是約佢出黎食飯傾下偈。

無事出街小破財係真的,
當然唔係講食飯,
飯就點都先食, 飯錢就點都要俾架喇,
小弟係講緊搭車。

因為而家小弟住嗰度稍為遠離車站,
所以要靠巴士出入,
不過日本o既交通費貴就路人皆知架喇,
單程要200yen......
來回就要400yen......

関ヶ原 + 犬山城

今朝0830起身,
梳洗完落樓食早餐,
然後繼續第二日o既行程。

第一站係関ヶ原。
有睇琴日o既BLOG都應該記得,
関ヶ原係一個戰場。
又係講歷史故事o既時間喇。

織田信長係將近平定日本前,
埋門一腳俾親信 明智光秀 圍攻,
自知走頭無路, 結果織田信長自己放火燒死自己,
呢個就係非常有名o既「本能寺の変」。
至於點解明智光秀無啦啦作反,
到而家都未有一個有力o既解釋。

得知織田信長死左,
本來係中國(日本本州最西面)圍攻緊高松城o既豊秀吉,
隱瞞冇同人講話織田信長死左,
放棄攻城, 但迫高松城o既毛利氏投降。
然後大軍由中國番番京都,
織田信長死得嗰三日就討伐左明智光智。
呢個就係有名o既「中国の大返し」同「三日天下」。

其實上文完全唔關関ヶ原事,
下明開始先係。

豊臣秀吉繼承織田信長,
統一日本, 正式成為「天下人」。
當然啦, 總有唔据豊臣秀吉o既原信長親信架喇。
唔据o既人於是就跟左德川家康。
呢個時候德川家康都仲係豊臣家o既家臣,
但德川家康其實已經開始唔据豊臣秀吉。

豊臣秀吉死後, 由佢個仔繼位。
因為豊臣家影響力唔及最初,
加上豊臣家內政o既人事鬥爭問題,
當中有又人過檔德川家康。
豊臣秀吉死後, 德川家康就借啲依打豊臣家。

而最重要o既一役就係「関ヶ原の戦い」。
関ヶ原, 幾乎係日本東西兩邊o既正中間。
1600年, 德川家康率領74000軍進攻, 統稱為東軍。
而因為受豊臣秀吉賞識其才華並愛到重用o既石田三成,
係豊臣秀吉死後仍效忠豊臣家, 率領8200軍對抗德川家康,
統稱西軍。

兩軍係関ヶ原對恃, 早上屒霧初散,
大戰一觸即發。
西軍因為一早利用地勢佈好陣,
加上戰略運用得宜,
所以一開始時西軍比較佔優。

德川家康見形勢不利,
於是將本陣由戰場o既較後方,
移到戰場較中央位置。
東軍即時士氣大振。

雖然係咁, 東軍仍處於不利之中。
但過左中午之後,
德川家康命令部下向西軍o既小早川秀秋開槍,
給予小早川秀秋壓力。
最後小早川秀秋叛變,
連同東軍一舉襲擊西軍。
(次次見到小見川祐忠呢個名,
小弟都會諗起早見川千明=.=)

雖然石田軍表現英勇,
但仍敵不過叛軍及東軍o既夾擊,
最終敗走。

西軍o既敗退, 決定左德川家同豊臣家力量上o既失衡,
德川家康其後攻打到去大阪,
係「大阪夏の陣」獲得勝利,
德川家康奪得天下,
而豊臣家亦正式沒落。

故事就係咁喇。

岐阜 (岐阜城 + 墨俣一夜城 + 大垣城)

本身早一晚出黎川崎車站附近,
係諗住可以係漫畫喫茶瞓番一陣先出發的。
但睇下動畫、上下高登咁, 又睇下漫畫雜誌咁,
好快就到凌晨四點鐘,
係時候動身到車站=.=

0415到達川崎駅,
車站都仲未開閘......

0430, 終於開閘喇,
早到可以見到車站開工,
都唔知仲有冇下次機會,
所以影低左。
下圖可以見到啲人,
閘都未開晒已經入緊閘。

搭頭班車,
0445由川崎開出,
先到熱海, 再到沼津,
再到浜松, 再到豊橋。

途中經過富士山,
難得咁好天色睇得咁清楚,
所以影低左。

出發

結束一個星期o既頹廢生活,
再次出發去旅行。
因為張清春18仲有兩次未用,
所以今次旅行一來一回啱啱好。

今次o既旅行目的地係岐阜一帶,
下圖紅色圓圈o既就係喇。
(右邊方框係小弟而家住o既川崎,
 左邊方框係小弟之前住o既大阪)

其實點睇,
都係由大阪去近啲,
而的確之前小弟由大阪到靜岡,
以至由大阪到而家住o既川崎,
都經過過今次旅行o既車站。
可惜當時時間行程唔許可。
反正張春青18有剩兩程,
而且又得閒, 所以去下啦。

岐阜一帶有咩睇?
熟識日本歷史o既人都會知道,
由尾張(而家名古屋一帶)衝出美濃(而家岐阜一帶),
係織田信長平定混亂o既日本戰國時代, 統一日本o既第一步,
所以重要戰役o既城池都係呢度。
而決定豊臣家走向沒落, 德川家康奪得政權o既 関が原の戦い,
亦都係係岐阜o既西面進行。

咁啱小弟之前想睇但睇唔成o既犬山城,
都係路線o既附近,
所以趁今次一網打盡。

不過聽日一早0445就要上JR,
所以今晚就已經離開屋企, 到左車站附近,
係一間漫畫喫茶(即網吧嗰類啦)落腳。

聽日會去o既係有名o既岐阜城+墨俣一夜城。
不過前者係再重建o既, 而後者係「不存在o既城」,
但兩個城都係織田信長步出美濃一個重要戰役o既城
究竟係咩一回事, 聽日自有分曉。

寄居

小弟而家寄居係前日文老師屋企,
川崎市o既川崎区,
今日紹下而家住緊o既日式宅邸。

之前寄居過或者探訪過o既,
都係一條老自己住o既房,
日本人叫One-Room。

One-Room大抵上間間都差唔多,
一入房係一條兩三米長左右o既走廊,
一邊係煮食用o既,
而另一邊係廁所+沖涼。
過左條兩三米長o既走廊之後,
係一間四畳半或以上o既房,
起居飲食都係度搞掂晒
(畳, 即係和式房間舖地下嗰啲長方形竹蓆板,
闊、長 為91cm×182cm)

但今次住o既,
名副其實係一間日式「一戶建」,
即係類似多啦B夢住嗰種。

三線

其實小弟o既日文老師,
頗鐘意沖繩o既文化,
亦都學習緊其中一種沖繩o既樂器: 三線(SAN-SHIN)

沖繩o既「三線」同日本另一種傳統樂器「三味線」(SHA-MI-SEN)唔同,
不過 三線 係 三味線 o既前身。
最初由中國傳入琉球, 再經九州傳入日本本州, 變成三味線。
詳情閣下自己再google一下, 又或者請教下wiki先生啦。

番番正題,
小弟黎到日文老師屋企寄居第一日開始,
老師已經教小弟彈三線。
小弟憑住小提琴功底,
總算叫做係第一晚就彈到下歌仔。

可能老師見小弟又學得幾快啦,
於是就邀請小弟去參觀佢地集體練習。

奥多摩御岳山

前情提要:
小弟而家寄居係以前o既日文老師(日本人)屋企,
同老師 & 老師媽媽一齊住。

因為小弟o既到來,
老師媽媽就提議不如一齊去旅行。
其實小弟始終都係鐘意自己一個人旅行多啲,
不過一來寄人離下,
二來盛情難卻,
三來當陪老人家散步,
四來間唔中同其他人一齊去旅行都唔錯。
所以就答應左喇。

成個計畫由老師媽媽一手包辦。
其實都唔係咩大件事,
只係check下路線咁上下。

咁啱電視介紹御岳山賞花,
於是好輕易咁就決定左去御岳山喇。
御岳山係邊?
算叫做係東京都其一部份,
不過係係市郊, 比較遠,
下圖左上角「A」嗰度就係 奧多摩 o既 御岳山。
右邊好多線密質質o既就係東京市中心,
而右下角紅色圓圈就係而家小弟而家身處o既川崎市。

早上0600出門口(其實小弟都唔知點解要咁早出門口=.=),
搭左三個幾鐘JR,
總算到達下圖o既御岳駅。

再PLAN

係咁hea落去都唔係辦法,
加上用緊嗰張青春18仲有兩次未用,
所以唔PLAN旅行唔得。

於是,
今日趁出開車站嗰頭,
順便買埋旅遊參考書,
再上網係咁依check下JR班次,
咁就決定左下星期去岐阜一帶,
黎一次戰國之旅。

煙花? 花火? 煙火?

其實今日個標題唔係特別要嘩眾取寵,
而係真係開始對一啲字眼混淆。

firework,
廣話叫「煙花」
國語叫「煙火」
日文叫「花火」(HANA-BI)

學得語文多真係會混淆的。

懶

基本上今日o既生活同琴日冇乜分別。

日日都過得好遊閑,
加上如果留係屋入面,
基本上係完全唔洗用錢。

本身小弟都打算趁呢三個星期,
睇下去東京附近觀光下的。
不過係啲咁懶懶閒o既氣份之下,
都唔係好想太即極搵資料PLAN行程=.=

ANYWAY,
暫時計劃會去o既,
有小田原城、箱根、江ノ島,
25, 26/8去睇アニサマ,
然後九月正式向東北出發!

退休生活

早上十點半左右起身,

食過早餐之後,

去左区役所辦移居手續,

然後番番屋企食午飯。

睇下電視用下電腦咁,

傍晚放完狗食過晚飯

又睇下電視、上下網咁就過左一日喇=.=

コミケ(comike) 經驗談 + 再搬屋

琴晚發現想係企業參展商買o既野已經售罄,
計算過一來一回都差唔多成千Yen,
去迫コミケ又攰到嘔,
再加上對同人誌興趣不大,
所以決定今日都係唔去。



コミケ健議:

1) 唔買catalog的話, 係唔會知道有咩參展商/同人團體,
雖然貴左少少, 但都真係要買黎睇。
仲要係預先睇定, 雖然當日即場都有得買,
但時賣即睇, 只會臨急手腳亂。

c82第二天

琴晚本來想話,
去コミケ辛苦過上富士山。
不過咁講好似誇張得濟,
所以冇出聲。

但今日一起身,
兩隻腳酸痛到T_T
三日兩夜上富士山番番黎都冇肌肉酸痛......
但只係去左半日コミケ就.......

コミケ真係恐怖。



今日冇諗住一早去打拼,
所以瞓到0930先起身,
1030先慢慢去コミケ逛。

1200左右到達。
再到企業攤位睇,
認認真真咁逐個攤位睇下有咩賣,
當然啦, 1200先去到, 唔洗指意有野買架喇,
不過睇下有冇睇漏, 聽日最後一日買。

不過都係睇唔啱有野想買。



結果都係走左去睇COSPLAY。

今日o既COSPLAY比琴日多日好多,
當然, 參觀o既人數都唔少。

c82第一天

係極東一個國度o既首要城鎮,
每年最炎熱、同埋最寒冷o既兩個時段,
都總會有50萬名以上o既勇士匯聚於此,
係呢個全世界最大o既event入面,
不惜一切爭個頭崩額裂,
那怕用盡最後一點奶力,
亦要守護自己最愛o既事物......



講緊o既係コミケ!

離開大阪 + JR經驗

今日正式離開住左八個月o既大阪,
向關東進發。

約好左1000退房,
0830起身, 不過其實行里一早執好晒,
咁早起身都冇野好做,
結果又係上網hea下咁。

0930, 換好衫,
真正完成最後o既執拾,
就去辦退房手續。

1030左右出發,
搭地鐵到東梅田,
然後用青春18,
一口氣由大阪搭到去東京。
今次JR要搭9個幾鐘,
連埋地鐵嗰程, 成10個小時。

Ultima Cena

聽日早上小弟就要暫別而家住緊o既宿舍,
先到東京睇「祭り」,
然後到神奈川縣, 以前第一個日本人日文老師屋企,
痴飲痴食一個月。

黎左三個星期o既同房(台灣人),
今晚無啦啦話煮野我食。
於是小弟又嗱嗱林走去買材料,
整番味小弟最拿手o既(唯一識整o既=.=)豉椒炒硯,
大家一齊食。

因為COMMON ROOM有好多人,
大家都俾豉椒炒硯o既香味吸引過黎,
其中一個蘇聯人(就係之前天神祭嗰時勁冇耐性嗰個),
食過翻尋味, 係咁食係咁食,
見佢食得咁開心, 小弟作為煮嗰個都覺得開心o既~

今日晚上, 電視做「FNS歌の夏祭り」,
水樹奈々都有份出場!!!!!!
太感動了。

就咁, 最後的晚餐就完滿結束了。



提外話, 個標提「最後的晚餐」,
用拉丁文寫好似好型咁,
其實小弟唔識拉丁文,
只係係wiki打「last supper」,
然後揀「Latina」就OK,
唔係啲咩神奇事=.=

種善因, 得善果

點解會有個咁o既標題?
事情要追遡番到四年前。

四年前, 小弟仲係大學三年級生,
當時大學舉辦一個兩年一度o既國際性學術會議,
而參加會議o既包括有兩個黎自名古屋大學o既日本教授,
同佢地o既一個博士學生。

hea第二天

今日主要都係無所事事,
除左下午三點鐘出左去梅田有啲野搞,
真係好X麻煩,
唔好問係咩事。

唔好意思, 真係冇乜好寫。

hea一天

今日全日留係宿舍。
除左買餸之外冇出過外面。
感覺好似番番去初初黎到日本未有野做o既時候咁。

名古屋城

早上一邊睇《加速世界》, 一邊執行里,
九點半出門口, SK先生渣車送小弟番番去浜松駅,
正式結束呢兩日頹廢o既屈蛇生活。
(上圖係前晚到埗時影的)

當然,
無啦啦搭幾百蚊車hea兩日就走,
點都講唔過去。
所以回程o既時候,
一來時候尚早, 二來順路,
加上小弟o既青春18全日任搭,
所以係名古屋駅落車,
一睹名古屋城o既風采。



名古屋城,
係德川家康於関ヶ原一役掃除左豊臣家勢力後而起o既城。
可惜係二次大戰中遭美軍空襲而燒毀,
只留下石垣。
所以大家而家見到o既, 全部都係近代重建o既野。
雖然係咁, 名古屋城,
仍然跟熊本城同姬路城並稱為日本三大名城。

係名古屋駅搭地鐵櫻通線轉名城線係市役所落車,
一出駅口就係隔離。
不過要去正門的話要行五至十分鐘。

屈蛇於日本人家中 --- 第二天

要用一個字總結今日的話:

HEA

完完全全見識到日本阿宅的一天。

除左中午去左買便當之外,
SK先生全日都攤係張床度,
只係用右手控制滑鼠,
玩KEY社o既《REWRITE》......

屈蛇於日本人家中

得到係日本o既友人邀請,
今日到靜岡, 呢位朋友o既屋企屈蛇。

約好左1900係浜松駅等,
一早check好JR o既時間表,
用青春18由天王寺搭去浜松。

 一開始都好好地的,
點知去到大阪,
告示板因為電纜發生故障,
由高槻到京都o既電列車全部停駛!!!

OH!!!
$%^&*()_&^%#%@^#*&(_$

富士山登山 第三天 + 總結 + 建議

又係三點半起身,
預備迎來富士山第二個日出。
不過唔同o既係,
今次睇完日出就即刻要落山,
所以大家要執好晒行里出屋仔出面o既平台。

再黎一張, 金星與木星