三線

其實小弟o既日文老師,
頗鐘意沖繩o既文化,
亦都學習緊其中一種沖繩o既樂器: 三線(SAN-SHIN)

沖繩o既「三線」同日本另一種傳統樂器「三味線」(SHA-MI-SEN)唔同,
不過 三線 係 三味線 o既前身。
最初由中國傳入琉球, 再經九州傳入日本本州, 變成三味線。
詳情閣下自己再google一下, 又或者請教下wiki先生啦。

番番正題,
小弟黎到日文老師屋企寄居第一日開始,
老師已經教小弟彈三線。
小弟憑住小提琴功底,
總算叫做係第一晚就彈到下歌仔。

可能老師見小弟又學得幾快啦,
於是就邀請小弟去參觀佢地集體練習。



兩點去到川崎車站附近一間沖繩料理店,
店應該係晚上先開門做生意,
而日文老師o既三線老師就係呢個時候,
借間舖黎同佢o既學生們合奏。

同西樂o既合奏唔同,
佢地o既練習係unison o既形式。
同埋彈o既時候一定會唱埋,
因為唱都係音樂之一。
所以其實要一邊彈一邊唱得好都幾難。

合奏練習時間三個小時,
老師初初都同小弟講話如果悶可以中途離場。
不過因為小弟都叫識少少扮代表,
雖然冇樂器+跟唔到佢地彈咁快,
但一路不斷地努力地睇樂譜搵音,
三個小時一轉眼就過左~

其實小弟真係幾鐘意學識新o既事物,
只可惜一來, 成日都係新屎坑三日香(日文叫「三日坊主」),
二來學咩都易學難精(日文叫「器用貧乏」)......

參觀完今日o既練習,
令小弟諗番起管弦樂團o既採排......
大學o既樂團不在話下,
高中時參加o既北區管弦樂團&沙田管弦樂團都好