鷲宮神社

琴日篇BLOG都提過,
小弟去ASL之前去左鷲宮神社參觀,
今日就補番相關o既內容啦。

先講下點解小弟會想去鷲宮神社。
其實都係因為動漫=.=

嗰時為左睇一套叫《らき☆すた》o既動畫,
因為該動畫借用好多其他動畫o既題材(即係所謂o既"ネタ")
為左睇得明《らき☆すた》,
所以嗰時一下子啃左好多其他有名o既動晝,
可以話係小弟鐘意睇動漫o既開端。

而《らき☆すた》o既漫畫/動畫舞台主要係埼玉o既春日部市,
其中兩個角色(兩姊妹)o既設定, 係「鷹宮神社」o既巫女,
而鷹宮神社o既參考對象就係鷲宮神社喇。

因為《らき☆すた》呢套野異常地受歡迎,
所以鷲宮町更史無前例咁對兩姊妹「一家」發出「住民票」,
(類似身份証咁o既証明, 証明一家有咩人住係度)
而鷲宮神社亦都成為好多動漫迷參觀o既聖地之一。

小弟自2007睇《らき☆すた》以來,
都一直好想黎鷲宮神社睇下。
不過當然就咁淨係為左鷲宮神社黎又好無謂,
而埼玉本身又唔係多旅遊景點。
咁啱Animelo Summer Live係係埼玉開演,
於是順路黎睇一睇鷲宮神社。

不過就算唔係動漫o既聖地,
鷲宮神社本身都係一間頗有歷史o既神社,
甚至有傳鷲宮神社係關東最有歷史o既大社咁話。

由川崎搭京浜線到大宮, 再轉東北線到久喜,
然後轉乘東武鉄道, 係鷲宮駅落車。
上圖係出左車站之後影o既相。

但未出閘前, 係入閘機附近會見到下圖o既神輿。
當然, 神輿上面o既圖案就係《らき☆すた》o既一眾角色啦。
呢個神輿唔係淨係得個睇字, 而真係有用。
每年九月鷲宮神社o既土師祭, 就係呢台神輿出場o既日子。

神輿係入車站閘後o既空間,
即係話一眾fans要近距離睇的話,
就一定要光顧東武鉄道=.=

上圖最頂,
應該係《らき☆すた》X《けいおん!》XD

泉此方X《時をかける少女》XD

上圖o既圖案先係最靚,
係可惜係背面,
好難先影得到。
(呢兩個就係得到住民票o既兩姊妹)

街道上亦不乏以呢兩姊妹為圖案o既裝飾

由車站行十分鐘就到達鷲宮神社。

同好多其他大社一樣,
神社入面都有好多其他攝神社,
上圖o既右手邊就係八坂神社o既攝神社。
而左手邊有玻璃窗反光嗰個,
就係存放神輿o既地方。
鷲宮神社土師祭, 正正式式使用o既千貫神輿應該就係呢個。
下圖係close up, 不過入面太黑, 外面太光,
反光反得好勁......

能舞台

拜殿

本殿

光天之池,
傳說曾經有龍住係度。

神社就當然唔少得御守り啦。
不過下圖o既身代り福娘御守真係第一次見,
又幾可愛。

頭先講左咁耐《らき☆すた》,
當然實搵到相關o既野o既。
神社就未必咁明目張膽以動畫人物佈置神社架喇,
不過淨睇啲絵馬, 就已經知道呢個神社有幾受fans歡迎!!!
亦都可以見到啲fans有幾好畫功=.=

柊司 X Rider......
件T唔係「大戦略」而係らき☆すたwww

上圖左下角o既二期完遂,
同下圖o既2期祈願,
的確係好多fans o既心願!

イカ娘都黎侵略鷲宮神社

IM@S都有

ゆるゆり都黎參一腳

《Little Busters》

QB......

「早番下さい」
咁想睇就錄低佢或者買BD啦www

一開始提過o既土師祭,
沿途街上唔難發見到相關poster,
因為一個星期後o既2/9就係土師祭。
除左有傳統o既千貫神輿,
同埋《らき☆すた》o既神輿之外,
仲有cosplay祭。
嘉賓仲有 長島☆自演乙☆雄一郎 !!!!!!



不得不介紹下 長島☆自演乙☆雄一郎!
原名 長島雄一郎, 係一名拳手,
亦都係一名動漫愛好者,
出場時經時以cosplay打扮,
所以廣為人熟識。
不過條友唔係淨係得個樣,
而真係係國際性o既賽事嬴過。

因為長島☆自演乙☆雄一郎咁出名,
又公然支持動漫,
所以亦都為佢帶黎係動漫作品參與演出o既機會。

總之長島☆自演乙☆雄一郎可以話係一個奇人,
有興趣o既可以google一下。



講番番黎,
2/9去唔去土師祭好!?仲掙扎緊。
唔想因為咁而花二千幾yen來回,
但又真係好想睇下......